10-mavzu. Butik mehmonxonalarning shakllanishi, rivojlanishi va afzalliklari, ularni o’zbekistonda yaratish masalalari reja

10.2. Butik mehmonxonalarning rivojlanishi

Hozirgi kunga kelib esa g’ayritabiiylik va noodatiylik butik mehmonxonalarning asosiy xususiyatiga aylanmay qoldi. Butun dunyo bo’ylab “Butik mehmonxona” termini o’lcham jihatdan farq qiluvchi va quyidagi ko’rinishlarga ega mehmonxonalar uchun ishlatilmoqda:

• 
  kichik hashamadli mehmonxonalar;
  
• 
  ko’proq zamonaviy stilga ega;
  
• 
  chindan ham ajoyib xizmatlarni taklif etadi;
  
• 
  noodatiy ko’rinishga ega;
  
• 
  hozirgi kunda o’zlarini “yashashning o’ziga xos uslubi” deya ataydigan va elegant hayot tarzini taklif etuvchi mehmonxonalar².
  

Yuqoridagilarning barchasini odatda 20 tadan 150 tagacha xonalar fondiga ega va kichik bo’lgan mehmonxonalarda his qila olasiz. Butik mehmonxonalaring ko’pchiligida “qutidagidek hissiyot”ni sezmaysiz. Bunga sabab esa ulardagi xonalarning barchasi individual bezatilgan va ajoyib noodatiy hisni tuyish imkonini beradi.
Quyida 2012-yildagi dunyoning eng mashhur uchta ajoyib Butik mehmonxonalari haqida ma’lumotni ko’rishimiz mumkin
2.1-jadval
Dunyoning TOP-3 butik mehmonxonalari³

№	Nomi	Joylashgan joyi	Xonalar fondi	Xususiyati
1	Maison 140	Kaliforniya, AQSh	44	4 qatorli yotoqlar, dizaynda turli ranglarning jilolanishidan foydalanganlik, noodatiy dekoratsiyalar. Delyuks Italyan choyshablari. Kelli Verstler tomonidan dizaynlashtirilgan.
2	Amandari	Bali, Indoneziya	30	Mehmonxona xuddiki tirik galereyani eslatadi. Bu yerdagi jihozlar va bezaklar qishloqlarga xos bo’lishi bilan birgalikda zamonaviy spa, basseyn va tennis kortlari ham mavjud.
3	Royce Hotel	Melburn, Avstraliya	100	Italiya marmari, SPA va nafis bezatilgan mebel jihozlari. Mehmonxona yoqimlilikga boy bo’lgan biznes markazini, katta ball zalini, banket va majlislar zalini, sport zali, kutubxona va shu kabilarni taklif etadi.

Butik mehmonxonalar mijozlari o’zlari uchun standard xonalardan ko’ra noodatiy turmush tarzini afzal biluvchilar hisoblanishadi. Shunday ekan, kichik butik mehmonxonalar zamonning o’zgarishi, mijozlar talab va ehtiyojlarining tinimsiz o’zgarisb borishiga moslashishi zarur va butik mehmonxonalar bozori rivojida tinimsiz o’sishni amalga oshirishlari zarur.

B