10-Mavzu. Elektron biznesning maqsadi va uning qo‘llanilish sohalari

 
Xizmat ko‘rsatish sifatiga ko‘ra. Oddiy magazinda kerakli tovar haqida batafsil 
ma’lumot olish uchun sotuvchiga murojaat qilishga to‘g‘ri keladi. Bu holda, tovarni 
tanlash sotuvchining omilkorlik darajasiga, shu bilan birga, uning xaridor uchun vaqt 
sarflay olishiga bog‘liq. Yaxshi tashkil qilingan elektron magazin har bir tovar uchun 
keng ma’nodagi ma’lumotlarni yo‘lga qo‘yilganligini ta’minlash bilan birga, tovar 
haqida maslahat olish uchun sotuvchining qo‘li bo‘shashini kutishi shart emas. 
 
Bozorga chiqish muddatiga ko‘ra. Shaxsiy “firma” elektron magazinini tashkil 
qilishga oddiy, an’anaviy magazin tashkil qilishdan ko‘ra ancha oz vaqt ketadi. Bunda 
ishlab chiqaruvchi firma o‘z mahsulotiga narxni o‘zi belgilashi va nazorat qilishi 
mumkin. Vositachilar ishtirok etmaydigan bu munosabat jarayonida, firma o‘z 
tovarlarini sotishdan yanada ko‘proq daromad ko‘radi. 
 
Tovarlar xilma xilligiga ko‘ra. An’anaviy magazinlarda, qoidaga ko‘ra, tovar 
turlari chegaralangan. Shuning uchun ham, xaridor o‘ziga kerakli molni topish uchun 
shu turdagi bir necha magazinlarga borishiga to‘g‘ri keladi. Agar zaruriy tovar bir 
elektron magazinda bo‘lmasa, boshqasidan qidirish imkoniyati bor. Bundan tashqari, 
ishlab chiqaruvchining rasmiy websaytiga to‘g‘ridan to‘g‘ri murojaat qilish ham 
mumkin. Shuning uchun ham, har doim eng yaxshi yoki minimal narxdagi tovarni 
tanlash mumkin. 
Nazorat savollari 
Internet tarmog‘ida elektron biznesning o‘rniga tavsif bering. 
Elektron biznesning oddiy savdo turidan qanday muhim farqlari mavjud? 
Elektron biznesning asosiy vazifalari nimalardan iborat? 
Elektron biznesning asosiy turlarini tasniflang va ularni ta’riflang. 
Biznesni qo‘llashning asosiy sohalariga ta’rif bering. 

---