13-bob. Strategiyani tadbiq etish: madaniyat va sardorlik

13.2.2. Strategiyani qo’llab – quvvatlovchi muhitni va madaniyatni yaratish.
Strategiyani yurituvchilar strategiyani qo’llab-quvvatlaydigan tashkiliy muhitni va madaniyatni shakllantirish majburiyatini o’z zimmalariga olishga majbur bo’ladi. Muhim strategik vazifalarni hayotga tadbiq etishda menejerning shaxsan o’zi ushbu jarayonga rahbarlik qilishi maqsadga muvofiq. Tashkiliy madaniyat atrof muhitda voqyealarning o’zgarishi tezligiga qarab, har 5-10 yilda jiddiy qayta tashkil etishni taqozo etadi. Agar strategiya bo’yicha ba’zi moslashtirishni amalga oshirish talab qilinsa, u kamroq vaqtda ham bajarilishi mumkin, lekin qadriyatlarni va madaniyatni strategiyaga moslash faoliyatini amalga oshirishda yetakchi rolni menejerlar egallaydi. Muvaffaqiyatli faoliyat ko’rsatuvchi sardorlar tanlangan strategiya samarador ekanligiga tashkilot a’zolarini ishontirishni o’z burchi deb, uni muvaffaqiyatli tadbiq etilishini kompaniyaning birinchi darajali vazifasi deb qarashlari lozim.
Tashkilotni madaniyatini o’zgartirish yo’lidagi muvaffaqiyatli harakatlarni muvaffaqiyatsiz harakatlardan farqlovchi asosiy omil – bu eng oliy boshqaruv pog’onasida malakali boshqaruvni ta’minlashdan iborat.
Tashkilot strategiyasi va madaniyatini samarali moslashishining bir necha xususiyatlari mavjud:

• 
  tashkilotga tegishli guruhlarning manfaatlarini maksimal qondirish vazifasiga mos keladigan falsafani yaratish;
  
• 
  yangi g’oyalarga ta’sirchanlikni tashkil etish;
  
• 
  mavjud vaziyatni quyidagi yo’nalishlar bo’yicha baholash: biz xaridorlarga haqiqatan ehtiyoj sezgan narsalarni berayapmizmi va ular nimalarni istaydilar: raqobatchilarimizga nisbatan xarajatlarimizni qanday qilib pasaytirishimiz mumkin: mahsulotni loyihalashdan boshlab, uni bozorga kirib borish muddatlarini qanday qilib, qisqartirish mumkin: kompaniyaning faoliyat turini o’zgartirmasak, u 5 yildan keyin qanday vaziyatga ega bo’ladi;
  
• 
  insonlarni va guruhlarni yangi g’oyalarni amalga oshirishga harakat qilish kerakligiga ishontirish va xodimlarni ilhomlantirish;
  
• 
  yangi vazifalarni bir necha marta takrorlash, o’zgarishlar vaqt talabi ekanligini tushuntirish, qarshilik qiluvchilarga faoliyat unchalik yaxshi emasligini va yaxshi natijalarga erishish uchun nima qilish kerakligini ko’rsatish;
  
• 
  yangi madaniy me’yorlarni tan olganlarni va o’zgartirishlarni muvaffaqiyatli amalga oshirayotganlarni, o’zgarishlarni amalga oshirishga harakat qilayotganlarni safini kengaytirishga yordam berayotganlar xodimlarning xizmatini tan olish va yaxshi mukofotlash;
  
• 
  har bir rahbar norozi xaridorlardan, aksiyadorlardan va xodimlardan axborot olib, tashkilotning kuchli va zaif tomonlarini baholay olish imkoniyatiga ega bo’lishini ta’minlash.