Almaslap egiw klassifikaciyası.
Almaslap egiwdin’ ha’zirgi da’wir klassifikaciyasına to’mendegiler tiykar boladı: - o’ndiriletug’ın diyqanshılıq o’niminin’ tiykarg’ı tu’ri (da’n, paxta, ot-sho’p, baw-baqsha ha’m t.b):
- biologiyalıq o’zgeshelikleri, o’siriw texnologiyası ha’m topıraq o’nimdarlıg’ına ta’siri boyınsha o’zgeshelenetug’ın eginler toparının’ salıstırma salmag’ı (da’nli, texnikalıq, jalpılamay egiletug’ın, ko’p jıllıq ot-sho’plik, sobıqlı da’nli, katar arası islenetug’ın, shu’digar).
Birinshi belgisi boyınsha almaslap egiwdin’ 3 tipi-atız, ot-sho’plik ha’m qa’nigelestirilgen. Almaslap egiwdin’ ha’r tipi bir neshe tu’rdi o’z ishine aladı. Olar ekinshi belgi menen anıqlanadı (21-keste).
Atız almaslap egiwde barlıq maydannın’ yarımınan ko’bi da’nli ha’m texnikalıq eginlerge ajratıladı. Ot-sho’plik almaslap egiwde barlıq maydannın’ yarımınan ko’bi ot sho’plik eginlerge ajratıladı. Bul eki kishi tipke bo’linedi: ferma janındag’ı, jaylawdag’ı.
Ferma janındag’ı almaslap egiw sharwashılıq fermasına jaqın jaylasqan bolıp tamır miywe, silos ha’m ko’k sho’p jetistiredi.
Jaylawdag’ı almaslap egiw sharwa malları bag’ılatug’ın jerlerge ko’p jıllıq ha’m bir jıllıq ot-sho’plik eginler egiledi.
Qa’nigelesken almaslap egiw arnawlı jag’day ha’m agrotexnikanı talap etetug’ın, mısalı, joqarı topıraq o’nimdarlıg’ı, ayırıqsha suwg’arıw usılın talap etetug’ın eginler ushın engiziledi. Bunday eginlerge baw-baqsha, palız, temeki, salı.
Baw-baqsha, palız ha’m salı jetistiriwge qa’nigelesken xojalıqlarda engiziledi.
Da’n-shu’digar almaslap egiwinde atızlardın’ ko’pshilik maydanın da’nli eginler iyeleydi. Bul topırag’ı shorlanbag’an jerlerde biyday, arpa ha’m sulı jetistiriwde qollanıladı.
Da’n-shu’digar-qatar arası islenetug’ın eginler almaslap egiwde ko’pshilik maydandı da’nli eginler iyeleydi, shu’digar atızı bar ha’m keminde bir atız qatar arası islenetug’ın egin kiritiledi.
Do'stlaringiz bilan baham: |
