13-mavzu. Moliyaviy natijalar hisobi

88-jadval
Moliyaviy faoliyat bo’yicha xarajatlarni hisobga oluvchi schyotlar (9600)ning bog’lanishi

№	Xo’jalik muomalalarining mazmuni	Schyotlarning bog’lanishi
		Debet	Kredit
1	Kreditlar va qarzlar bo’yicha foizlar hisoblandi	9610	6920
2	Asosiy vositalarning uzoq muddatli ijara shartnomasi bo’yicha foizlar hisoblandi	9610	6920
3	Balansning valyuta moddalarini qayta baholashdan salbiy kurs farqlari	Pul mablag’larini hisobga oluvchi schyotlar, olinadigan schyotlar, majburiyatlarni hisobga oluvchi schyotlar va boshqalar	3290
4	Qimmatli qog’ozlarga qo’yilgan mablag’larni qayta baholash (qiymatining kamaytirilishi) natijasida ko’rilgan zararlar va h.k.	9690	0610-0690, 5810-5890
5	Hisobot davri oxirida moliyaviy faoliyat bo’yicha xarajatlarni hisobga oluvchi schyotlarning yopilishi	9910	9610-9690

8. Favquloddagi foyda va zararlar hisobi.

Korxonaning odatiy xo’jalik faoliyatidan keskin farq qiladigan favquloddagi xodisalar (tasodif, kutilmagan va odatiy bo’lmagan zarar va yo’qotishlar) natijasida vujudga keladigan foyda va zararlar hisobi quyidagi schyotlarda yuritiladi:
9710 “Favquloddagi foydalar”;
9720 “Favquloddagi zararlar”.
Favqulodda xodisalardan foyda 9710 “Favquloddagi foydalar” schyotining kreditida TMZni hisobga oluvchi schyotlar, olinadigan schyotlar yoki pul mablag’larini hisobga oluvchi schyotlar bilan bog’langan holda aks ettiriladi.
Favqulodda xodisalardan zarar 9720 “Favquloddagi zararlar” schyotining debetida uzoq muddatli va joriy aktivlarni hisobga oluvchi schyotlar bilan bog’langan holda aks ettiriladi.
Hisobot davrining oxirida 9710 “Favquloddagi foydalar”, 9720 “Favquloddagi zararlar” schyotlari 9910 “Yakuniy moliyaviy natija” schyoti bilan bog’langan holda yopiladi.
9710 “Favquloddagi foydalar”, 9720 “Favquloddagi zararlar” schyotlari bo’yicha analitik hisob favquloddagi foyda va zararlarning nomlari bo’yicha yuritiladi.