13-tema. Payda saliǵI. Qosimsha qun saliǵI. Aksiz saliǵI

Salıq stavkaları.
Ózbekstan Respublikasında qosılǵan qun salıǵı stavkası 1992 jılda 30 proсentti quraǵan halda, búginge shekem bir-neshe márte ózgerittirildi. Sonnan, 1996 jılda 17 proсentti, 1997 jılda 18 proсentti, ayrım azıq-awqatt ónimleri túrlerine (un, nan, gósh, sút hám sút ónimleri) bolsa kemeyittirilgen 10 proсentli stavka belgilendi. 1999 jılda respublikada qosılǵan qun salıǵınıń 3 túrli stavkası (20%, 15%, hám 0%) ámelde qollanıldı. Tek 3 bánt, yaǵnıy eksport, awıl xojalıǵı mútájlikleri ushın awıl xojalıq kárxanalarına beriletuǵın mineral tógin hám janılǵı maylaw materialları hámde diplomatiyalıq wákillikxanalar hám oǵan teńlestirilgen wákillikxanalarǵa realizaсiya qılınatuǵın tovar (jumıs hám xızmet)lar “0” stavkası boyınsha salıqqa tartıldı. 15% li qosılǵan qun salıǵı stavkası bolsa un, nan, gósh, sút hám sút ónimleri hámde import qılınatuǵın tiri mal hám biyday sıyaqlı ónimlerge salıstırmalı belgilendi.
Qosılǵan qun salıǵınıń parıqlanǵan stavkaları
Qosılǵan qun salıǵın esaplap shıǵarıw hám tólewdiń ápiwayılastırılǵan tártibine ótken salıq tólewshiler ushın qosılǵan qun salıǵınıń parıqlanǵan stavkaları tómendegi muǵdarlarda belgilenedi:

№	Tólewshiler	Salıq stavkaları salıq salınatuǵın bazaǵa salıstırǵanda proсente*
1	Ekonomikanıń barlıq tarmaqlarındaǵı yuridikalıq tárepler, 2-6-bántlerde názerde tutılǵanlar bunnan tısqarı*	7
2	Qurılıs shólkemleri	8
3	Usaqlap, kótere, sonday-aq, kótere-usaqlap sawdanı ámelge asıratuǵın sawda kárxanaları	6
4	Ulıwma awqatlanıw, miymanhana xojalıǵı kárxanaları	10
5	Kásiplik xızmetler kórsetetuǵın yuridikalıq tárepler (auditorlıq xızmetleri, salıq máslahatı xızmetleri, konsalting xızmetleri, brokerlik xızmetleri hám basqalar)	15
6	Awıl xojalıǵı ónimlerin, realizaсiya qılatuǵın yuridikalıq tárepler óziniń islep shıǵarıw ónimleri bunnan tısqarı	4

Qosılǵan qun salıǵınıń túrli parıqlanǵan stavkaları belgilengen bir neshe iskerlik túrleri menen shuǵıllanatuǵın qosılǵan qun salıǵın tólewshiler usı iskerlik túrleri boyınsha óz-aldına esap júrgiziw hámde salıq tólewshilerdiń tiyisli taypaları ushın belgilengen stavkalar boyınsha qosılǵan qun salıǵın tólewi kerek.