|
1. Milliy iqtisodiyotning qaror topishi va uning makroiqtisodiy koʻrsatkichlari
Barchamizga ma’lumki, oʻtmishda Oʻzbekiston iqtisodiyoti sobiq ittifoq iqtisodiyotining
tarkibiy qismi hisoblanib, uni mustaqil milliy iqtisodiyot deb boʻlmas edi.
1991-yil sentyabridan buyon oʻtgan qisqa davr mobaynida iqtisodiy mustaqillikni qoʻlga
kiritib, mamlakatimiz hududidagi barcha tabiiy, mineral xomashyo boyliklardan, butun iqtisodiy
resurslar va quvvatlardan oʻz xalqimiz va uning kelajagi manfaatlari yoʻlida foydalanish
imkoniyatiga ega boʻldik.
Milliy iqtisodiyot koʻplab oʻzaro bogʻliq iqtisodiy unsurlardan iborat boʻlgan murakkab
iqtisodiy tizimni namoyon etadi. Mazkur unsurlar oʻrtasidagi amalda tarkib topgan
munosabatlarning butun majmui iqtisodiyotning tarkibiy tuzilmasini tavsiflab beradi.
Milliy iqtisodiyot – barcha tarmoqlar va sohalarni, mikro- va makrodarajadagi
iqtisodiyotlarni, funktsional iqtisodiyotni, koʻplab infratuzilmalarni oʻz ichiga olgan yaxlit
iqtisodiyotdir.
Do'stlaringiz bilan baham: | 
