15- мавзу: Тўлов баланси ва валюта курси. Режа

15.6. Валюта бозори.
Бозордаги талаб ва таклиф таъсири натижасида вақти-вақти билан валюта курслари ўзгариб туради. Давлат валюта курсларини барқорорлаштириш учун валюта бозорини амал қилишига бевосита ёки билвосита аралашиши зарур. Бунинг бир қатор усуллари мавжуд:
1. Эxтиёт (захира) лардан фойдаланиш. Валюта курсини мустаxкамлашнинг кўпроқ қeлланиладиган усули - расмий резервлар ёрдами билан бозорни манипуляция қилиш xисобланади. Ўз-ўзидан аниқки, валюта захиралари алоxида мамлакатлар эга бўлган чет мамлакатлар валюталарининг оддий захираси xисобланади.
“Жаxон пули” сифатида ёки бошқача айтганда, захиралар сифатида, одатда олтиндан фойдаланилади. Масалан, АҚШ xукумати Буюк Британияга ўзи эга бўлган олтиннинг бир қисмини сотиб, унинг фунтларини олиши мумкин. Шу йўл билан сотиб олинган фунтлар америка савдоси ва молиявий операциялари туфайли жамғарилган захираларни ўстириш учун фойдаланиш мумкин. Бу ерда захиралар миқдори фунт таклифини зарур миқдорда кўпайтиришга эришиши учун етарли бўлиши жуда муxимдир.
2. Савдо сиёсати. Валюта бозорига таъсир кўрсатишнинг бошқа тадбирларига савдо ва молиявий оқимлар устидан тўғридан-тўғри назорат қилишни киритиш мумкин. Масалан, АҚШ фунт стерленгнинг етишмаслиги шароитида валюта курсини тегишли даражада (2доллар=1 ф.ст.) импортни ушлаб туриш (шу орқали фунт таклифини ошириш) xисобига ушлаб турушга бориши мумкин. Хусусан импорт бож ёки импорт квоталарини киритиш билан қисқариши мумкин. Худди шундай америкаликлар чет эл капитал кўйилмаларидан оладиган фоиз ва дивидентлардан махсус солиқлар ундириши мумкин. Бошқа томондан Америка xукумати субсидия бериб, шу орқали фунт стерленг таклифини кўпайтириш мумкин. Бу тадбирлардан фойдаланишда вужудга келадиган асосий муаммо шундан иборатки, у жаxон савдоси xажмини қисқартиради, унинг таркибини ва савдо алоқаларини ўзгартириб юборади, иқтисодий мақсадга мувофиқликнинг бузилишига ўзининг xиссасини қeшади. Бунинг оқибатларини xисобга олмаслик мумкин эмас.
3. Валютали назорат. Бошқа муқобил вариант валютали назорат ҳисобланади. Валютали назорат шароитида ҳукумат миллий экспортёрлар олган барча тегишли чет эл валюталарини давлатга сотиш талаби билан уларнинг етишмаслиги муаммосини ҳал қилиши мумкин. Кейин xукумат ўз навбатида чет эл валютасининг бу катта бўлмаган захирасини турли миллий импортёрлар ўртасида тақсимлайди. Шу йўл билан ҳукумат миллий импортни, миллий экспорт xисобидан олинган чет эл валютаси миқдорига чеклайди. Валютали назорат тизими бир қатор камчиликларга эга. Биринчидан, савдо чеклашлари (бож, квота, экспортли субсидия) каби валютали назорат қиёсий устунлик тамоилига асосланган халқаро савдонинг таркиб топган алоқаларини бузади. Иккинчидан, етарли бўлмаган валюта ресурсларини валютали назорат жараёни сўзсиз алоxида импортёрларни камситиш билан боғлиқ. Учинчидан, назорат тадбирлари истеъмолчининг танлаш эркинлигига тажовуз қилиш xисобланади.
4. Ички макроиқтисодий тартибга солиш. Валюта курси барқарорлигини ушлаб туришнинг охирги воситаси ички солиқ ёки пул сиёсатидан шундай фойдаланиш xисобланадики, бунда тегишли чет эл валютасининг етишмаслиги бартараф қилинади. Масалан, чекловчи солиқ ва пул тадбирлари АҚШ миллий даромадини Буюк Британия миллий даромадига нисбатан пасайтиради. Чунки импорт миқёси миллий даромад даражасига тўғридан-тўғри боғлиқ бўлиб бу Британия буюмларига ва демак фунт стерленгга талабнинг чекланишига олиб келади.
Қайд қилинган валюта курси тизими тарафдорлари тасдиқлайдики, ундан фойдаланиш халқаро савдо ва молия билан боғлиқ бўлган таxлика ва ноаниқлигини камайтиради. Қайд қилинган валюта курсларини қeллаш ўзаро фойдали савдо ва молиявий операциялар xажмини кенгайтиришга олиб келади. Аммо қайд қилинган валюта курслари тизимининг xаётга лаёқатлиги иккита ўзаро алоқалар шароитига боғлиқ:
1) захираларнинг мавжудлиги;
2) ўз xажми бўйича сезиларсиз камёблик ёки тўлов баланси активларининг тасодифий вужудга келиши. Катта ва доимий камёбликлар мамлакат захираларини йўққа чиқариши мумкин. Хулоса қилиб айтганда валюта курсларининг талаб ва таклиф таъсири остида шаклланиш даражаси, ўз-ўзича курсли нисбатларга таъсир этувчи реал жараёнларни аниқлаб бера олмайди. Чет валюталарига талаб ва таклифга, демак валюта курсларига мамлакатдаги xам ички ва xам ташқи иқтисодий муносабатлар мажмуи бевосита ёки билвосита таъсир кўрсатади.
Валюта курслари динамикасига бевосита таъсир кўрсатувчи омиллар ичидан қуйидагиларни ажратиб кўрсатиш мумкин:
- миллий даромад ва ишлаб чиқариш харажатлари даражаси;
- пулнинг реал харид қилиш лаёқати ва мамлакатдаги инфляция даражаси;
- валюталарга талаб ва таклифга таъсир кўрсатувчи тўлов баланси xолати;
- мамлакатдаги фоиз ставкаси даражаси;
- валютага жаxон бозоридаги ишонч ва х.к.
Назарий жиxатдан валюта курсларининг тебранишини тушинтириш, харид қилиш лаёқатиниг паритет назарияси ёрдамида берилади (Г.Кассел томонидан исботлаб берилган). Бу назарияга кўра курсли нисбатларни аниқлаб бериш учун икки мамлакат истеъмолчилик товарлари шартли “халтаси” баxоларни таққослаш талаб қилинади. Бозор иқтисодиёти шароитида асосан гиперинфляция рўй берганда харид лаёқатининг паритет назарияси курсни нисбатларини олдиндан айтиш имконини беради. Валюта курсларининг ўзгариши экспорт маҳсулот ишлаб чиқарувчи тармоқлар имкониятига таъсир кўрсатиши мумкин. Миллий валюталар курсининг пасайиши мамлакатлар экспорт имкониятини оширади. Аммо мамлакат экспорти хомашё товарлари импортига асосланса, бунда валюталар курсининг пасайиши экспорт қилинадиган товарлар баҳосининг ўсишига олиб келади ва бу уларнинг рақобатга лаёқатлилигига таъсир кўрсатиши мумкин. Валюта курсларининг ошиши мамлакатлар экспорт имкониятларини ёмонлаштиради. Валюта курсларининг беқарорлиги ташқи иқтисодий алоқаларга салбий таъсир кўрсатади. Унинг тебраниши халқаро битимларда ноаниқлик ва таxлика даражасини кўпайтиради. Шу сабабли валюта курси xам мамлакат ичида ва халқаро муносабатларда тартибга солишнинг муxим объекти xисобланади. Давлат бевосита тартибга солиш воситаси сифатида валютали интервенция ва дисконт сиёсатидан фойдаланиш мумкин.
Дисконт - банклар томонидан олинадиган фоиз. Банк фоиз xисоб ставкасини ошириб ёки тушириб чет эл капиталлари кириши ёки чиқиб кетишига таъсир кўрсатиши мумкин. Тартибга солишнинг кўпроқ универсал усули валютали интервенция xисобланади. Бунда марказий банклар таклифи етарли бўлмаган, курс эса юқори бўлган чет эл валюталарини сотади, таклиф ортиқча ва курс паст бўлганда сотиб олади. Бу билан талаб ва таклифни тенглаштириб, миллий валюта курси тебраниш чегарасини чеклайди. Валютали интервенцияни қўллаш захира валюта фондининг миқдори билан чекланади, шу сабабли валюталарни сотиш албатта уни сотиб олиш билан алмаштириб турилиши лозим. Бундан ташқари инфляциянинг юқори суръатида валюталар курси валюта харид қилиш кучлари нисбатининг ўзгариши туфайли пасаяди. Бу xолда валютали интервенция мазкур мамлакат валютали девольвацияси (курснинг расмий ўсиши) билан бирга бориши зарур.