15-Мавзу: исо 9001: 2008 талабларини ўрганиш

Юқорида кўрсатилганга мувофиқ ташкилотда бажариладиган жараёнлар белгиланиши керак.
СМТ га киритиладиган жараёнларни белгилашда тизимни ишлаб чиқувчи – ташкилот қуйидаги саволларга жавоб бериши керак:

• сифат менеджменти тизимларига қайси жараёнлар киритилади?
• хар бир жараённи истеъмолчиси ким (ички ва/ёки ташқи истеъмолчилар)?
• бу истеъмолчиларни талаблари қандай?
• ҳар бир жараённи кириш ва чиқиш маълумотлари бўлиб нималар хисобланади?
• жараённи эгаси ким?
• қандай жараёнларни бажарилишини таъминлаш учун қўшимча ресурсларни жалб қилиш керак?

Ташкилотда амалга ошириладиган ва сифат менеджменти тизимига киритилган ҳар бир жараён умумлаштирилган кўринишда тақдим қилиниши керак.
Ташкилотда рўй берадиган хар бир жараён учун, жараённи зарур натижаси (кириши) ни таъминлаш учун жараённи бошқариш мезон ва усуллари белгиланиши керак.
Ҳар бир жараённи амалга ошириш учун зарур ресурсларга (ходимлар, қурилма, материаллар ва жараённи бажариш усуллари ва х.к.) эҳтиёжларни аниқлаш керак.
Ташкилотдаги жараёнларни хар бири назорат остида (жараён мониторинги) амалга оширилиши керак, жараённи чикиш маълумотларини эса ўлчаш ва уларни бу жараён учун режалаштирилган талабларга мувофиқлигини баҳолаш керак.
2 Ҳужжатларга қўйиладиган талаблар
1 Умумий талаблар
Сифат менеджменти тизимининг хужжатлари:
а) сифат соҳасида сиёсат ва мақсадлар ҳақида ҳужжатли расмийлаштирилган ариза;
б) сифат бўйича қўлланма;
в) зарурлиги мазкур стандарт билан белгиланган ҳужжатлаштирилган процедуралар ва ёзувлар;
г) жараёнларни самарали режалаштириш, амалга ошириш ва уларни бошқариш учун ташкилотга керак бўлган ҳужжатлар ва ёзувлар;
Изоҳлар:
1 Ушбу стандартда "ҳужжатлаштирилган процедура" атамаси учраган ҳолларда, бу процедура ишлаб чиқилган, ҳужжатли расмийлаштирилган, жорий қилинган ва ишчи ҳолатда сақлаб турилмоқда деб назарда тутилади.
Алоҳида бир хужжат бир ёки бир неча процедуралар талабларини ўз ичига олиши мумкин. Хужжатлаштирилган процедура талаблари бирдан ортиқ ҳужжатни ўз ичига олиши мумкин.