18. O‘zbekiston respublikasida hayot faoliyati xavfsizligini ta’minlash sohasida qabul qilingan qonun va me’yoriy hujjatlar tizimi

zilzila epitsentri — zilzila o‘chog‘iga to‘g‘ri keladigan yer yuzasidagi nuqta;
instrumental-texnik tekshiruv — maxsus kuzatuv, o‘lchov va nazorat vositalaridan foydalangan holda binolar hamda inshootlarning texnik holatini tekshirish;
kuchli zilzila — magnitudasi (zilzila quvvati) Rixter o‘lchovi bo‘yicha 5,0 va undan yuqori bo‘lgan zilzila;
seysmik jihatdan zaiflik — binolar va inshootlarning konstruksiyalarida zilzila natijasida yuzaga kelishi mumkin bo‘lgan shikastlanishlar hamda yemirilishlarning ko‘rsatkichlari;
seysmik jihatdan hududlashtirish — hududlarni ilmiy tahlil asosida seysmik xavf darajasi bo‘yicha tasniflash;
seysmik faol zona — seysmik jihatdan hududlashtirish xaritasida belgilangan, kuchli zilzilalar yuz berishi ehtimoli doimo yuqori bo‘lgan hudud;
seysmik xavf — muayyan hududda muayyan vaqt oralig‘ida aholining hayotiga tahdid soluvchi hamda binolar va inshootlarga zarar yetkazuvchi zilzilalar yuz berishi ehtimoli;
seysmik xavfsizlik — seysmik xavfsizlikni ta’minlash sohasidagi davlat organlari va tashkilotlari tomonidan aholi hayotini va infratuzilma obyektlarini zilzilalar natijasida kelib chiqadigan xavflardan himoyalanganlik holati;
seysmik xatar — muayyan hududda zilzilalardan ko‘riladigan ehtimol tutilgan ijtimoiy va iqtisodiy zarar;
seysmologik va seysmometrik kuzatuvlar — O‘zbekiston Respublikasi hududida seysmik rejim o‘zgarishining monitoringini amalga oshiruvchi seysmik kuzatuv stansiyalarining tarmog‘i;
elektron texnik pasport — bino va inshootlarning seysmik mustahkamlik holati to‘g‘risidagi zarur ma’lumotlar jamlangan elektron hujjat.
4-modda. Seysmik xavfsizligi ta’minlanadigan obyektlar
Seysmik xavfsizligi ta’minlanadigan obyektlar jumlasiga quyidagilar kiradi:
O‘zbekiston Respublikasi ma’muriy-hududiy birliklarining hududi;
mudofaa, sanoat, agrar, energetika, ilmiy-texnika majmualari, suv omborlari va gidrotexnika inshootlari, sog‘liqni saqlash muassasalari, ta’lim tashkilotlari, jamoat va turar joy binolari;
moddiy va madaniy meros obyektlari;
ko‘priklar, yo‘l o‘tkazgichlar, tonnellar va yo‘llar;
muhandislik va transport kommunikatsiyalari, gaz, suv, issiqlik va elektr ta’minoti tarmoqlari.