2- leksiya Meliorativ hám qurılıs basqarıw sistemaları hám jùriw ùskeneleri. Jùk kóteriw hám tasıw mashinaları Reje

_{2- leksiya Meliorativ h}ám qurılıs basqarıw sistemaları hám jùriw ùskeneleri. Jùk kóteriw hám tasıw mashinaları
Reje
1. Meliorativ hám qurılıs mashinalarına qoyılatug‘ın tiykarg‘ı talaplar.
2.Meliorativ hám qurılıs mashinalarınıń sıpatlaması.
3. Meliorativ hám qurılıs mashinalarınıń kùsh alıw derekleri.
4.Meliorativ hám qurılıs mashinalarınıń jumıs ónimdarlılıg‘ı hám texnika-ekonomikalıq kórsetkishleri.


Tayanısh sózler
Jer qazıw, klassifikatsiya, mashina duzlisi, kùsh alıw derekleri, jumıs ónimdarlıg‘ı, texnika –ekonomikalıq kórsetkishleri, kuch berilisleri, jùritpeler, gidravlikalıq jùritpeler, jùris bólimi, tartıw kùshi.
Meliorativ hám qurılıs mashinalarına qoyılatugın talaplar.
Qurılıs mashinalarınıń tiykarg‘ı uazıypası qurılıstag‘ı jumıslardıń joqarı dárejede mexanizatsiyalastırıw hám qol miynetin kemeytiriwden ibarat. Jumıs ónimdarlıg‘ı qurılıs mashinalarınıń tiykargı kórsetkishleri bolıp, orınlang‘an jumıstıń kólemin waqıtqa salıstırıw menen anıqlanadı.
Sonıń ushın da jumıs ónimdarlıg‘ın asırıw, orınlang‘an jumıstıń sıpatın jaqsılaw, ózine tuser bahanı azaytıw qurılıs mashinalarına qoyılatug‘ın tiykarlardan biri bolıp esaplanadı. Mashinalardıń jumıs ónimdarlıg‘ın joqarılatıw ushın birinshi náwbette, jumıs waqtında dvigatel quwatlılıg‘ınan tolıq paydalanıw, mexanizmlerdiń muxıyatlı-lıg‘ın joqarılatıw hám universallastırıw hámde avtomatlastırıw, paydalı jumıs koeffitsentin joqarılatıw talap etiledi.
Qurılıs mashinaların bir orınnan ekinshi jerge kóshiriw qolaylı bolıwı hám olardıń jumıs ónimdarlıg‘ına sezilerli tásir kórsetedi. Hár qanday mashina jumıs protsessinde texnika qáwipsizligi qag‘ıydalarına tolıq juwap beriwi kerek. Olardag‘ı toqtaw hám signal qurılmaları joqarı dárejede sıpatlı bolıwı talap etiledi.
Mashinada jumıs orınlawshı-operator jumıs orınlaytug‘ın maydandı hám átiraptı tolıq kórip turıw imkaniyatına iye bolıwı kerek.
Mashina konstruksiyası gegiena talaplarına tolıq juwap berip, operator basqarıwı ushın qolaylı bolıwı tiyis.
Mashina kabinaları germetiklenip, shań hám shumnan saqlanıwshı, ondag‘ı záhárli gazler mug‘darı hám terbeliw ruxsat etilgen dárejede bolıwı shárt.