2- mavzu: Boshlangʻich maktabda pedagogik jarayonning zamonaviy tendensiyalari va texnologiyalari

O’qituvchi tomonidan ta’lim jarayonini boshqarish qanday ma’noni anglatadi?
O’qituvchi tomonidan ta’lim jarayonini boshqarish muayyan mavzu bo’yicha yoki nazorat ishlarini o’tkazish maqsadida tashkil etilayotgan o’quv mashg’ulotlarining ilmiy-pedagogik va amaliy-metodik jihatdan to’g’ri tashkillashtirilishi, olib borilishi, natijalarning tahlil etilishini anglatadi.
O’qituvchi tomonidan ta’lim jarayonini boshqarish qanday bosqichlarda tashkil etiladi:
O’qituvchi tomonidan ta’lim jarayonini boshqarish quyidagi bosqichlarda tashkil etiladi:

1. 
   rejalashtirish;
   
2. 
   tashkil etish;
   
3. 
   boshqarish;
   
4. 
   nazorat qilish;
   
5. 
   natijalarni baholash va tahlil qilish.
   

Ta’lim jarayonini tashkil etishni rejalashtirishda o’qituvchi nimalarga e’tibor qaratadi?
O’qituvchi ta’lim jarayonini tashkil etishni rejalashtirishda kalendar-tematik yoki darslar rejalarini tuzishga e’tibor qaratadi.
O’qituvchining ta’lim jarayonini tashkil etishdagi roli nimadan iborat?
O’qituvchining ta’lim jarayonini tashkil etishdagi roli o’quvchilar oldiga o’quv masalalarini qo’yish, ularning samarali bajarilishi uchun zarur sharoitni yaratishdan iborat.
Ta’lim jarayonida o’quvchilar faoliyatini boshqarishda o’qituvchi qanday vazifani bajaradi?
Ta’lim jarayonida o’quvchilar faoliyatini boshqarishda o’qituvchi uni to’g’ri yo’naltirish vazifasini bajaradi.

1⁸ Fаrbеrmаn B.L. Prоgrеssivniyе pеdаgоgichеskiе tехnоlоgii.-T.,1999, st.3.