Modulni tashkil etish va o‘tkazish bo‘yicha tavsiyalar
“Maxsus fanlarni o‘qitish metodikasi” kursi ma’ruza va amaliy mashg‘ulotlar shaklida olib boriladi.
Kursni o‘qitish jarayonida ta’limning zamonaviy metodlari, axborot-kommunikatsiya texnologiyalari qo‘llanilishi nazarda tutiladi:
ma’ruza darslarida zamonaviy sport anjomlari va kompyuter texnologiyalari yordamida prezentatsion va elektron-didaktik texnologiyalardan foydalanish;
amaliy mashg‘ulotlarda an’anaviy o‘qitish (o‘rgatish) uslublaridan tashqari quyidagi innovatsion pedagogik texnologiyalardan keng foydalaniladi: muammoli savollar qo‘yish va vaziyatli vazifalarni to‘g‘ri yechish yo‘llarini izlab topish; “aqliy hujum”; “ekspress test-savol va javob”; “tashkilotchilik, tadbirkorlik va turli rollarni ijro etish” o‘yinlari; “keys-stadi – muayyan vaziyatni tanlash va ushbu vaziyatdan chiqishga o‘rgatish”; o‘quv videofilmlarini namoyish etish nazarda tutiladi.
Modulning o‘quv rejadagi boshqa modullar bilan bog‘liqligi va uzviyligi
“Maxsus fanlarni o‘qitish metodikasi” moduli mazmuni o‘quv rejadagi “Adaptiv jismoniy tarbiya” va “Bolalar va o‘smirlar jismoniy tarbiyasi” o‘quv modullari bilan uzviy bog‘langan holda pedagoglarning kasbiy pedagogik tayyorgarlik darajasini orttirishga xizmat qiladi.Modulni o‘zlashtirish orqali tinglovchilar ta’lim muassasalarida sport o‘yinlari bo‘yicha mashg‘ulotlar, musobaqalarni tashkil qilish va o‘tkazish, ularni yanada ommaviylashtirish, malakali sport zahiralari va mahoratli sportchilar tayyorlash samaradorligini oshirishga doir bilim, ko‘nikma va malakalarni o‘zlashtiradi.
Do'stlaringiz bilan baham: |
