2-ma’ruza: Margarin emulsiyasi va uning nazariy asoslari. Reja

2-MA’RUZA: Margarin emulsiyasi va uning nazariy asoslari.
Reja:

1. 
   Qattiq yogʻlarni inson hayotida tutgan oʻrni va ularga qoʻyiladigan talablar.
   
2. 
   Yogʻlarni ozuqaviy qiymati: energetik qiymati, hazm boʻlishi, fiziologik qiymati.
   
3. 
   Margarin ishlab chiqarish uchun xomashyolar va reseptura.
   
4. 
   Margarinni ozuqaviylik qiymati va uning sifatiga qoʻyilgan talablar.
   
5. 
   Margarin ishlab chiqarishni nazariy asoslari.
   
6. 
   Margarin ishlab chiqarish sanoatining rivojlanish istiqbollari.
   
7. 
   Margarin ishlab chiqarish texnologik usullari. Margarin mahsulotlari assortimenti: sutli margarinlar va kulinar yogʻlari, qandolat va nonpazlik yogʻlari. Ularning bir-biridan farqi, qoʻllanilishi, resepturasi va tarkibini oʻziga xosligi.
   
8. 
   Margarin ishlab chiqarish sanoatining yangi xillari. Margarin mahsulotini yogʻli asosini xossalariga olingan xomashyoning taʻsiri. (plastikligi, kristall strukturaning stabilligi, erish harorati).
   
9. 
   Margarin olish uchun ishlatiladigan rafinasiyalangan moylarga qoʻyiladigan talablar.
   

MARGARIN, QANDOLATCHILIK, NONVOYLIK, OSHPAZLIK,
YOGʻLARI VA MAYONEZ ISHLAB CHIQARISH

Margarin sariyogʻga oʻxshash yogʻ sifatida 1869 yilda fransuz kimyogari Mej-Mure tomonidan ishlab chiqarilgan. U eritilgan mol yogʻining tez eriydigan qismini sigir oshqozonidagi zardob yordamida emulsiyalashni taklif etdi. Hosil boʻlgan aralashmani yaxna suvda sovutilganda yarim qattiq, och sariq rangli yaltiroq donachalar hosil boʻldi. Mej-Mure ularni margarin deb atadi, bu (margjaret – fransuzcha – marvarid) marvarid maʻnosini bildiradi.

Margarin – bu mayda zarrachali emulsiya boʻlib, uning tarkibiga: yogʻlar, sut, tuz, shakar, vitaminlar, fosfatidlar, emulgator va boshqalar kiradi.
Birinchi margarin zavodlari MDHda 1930 yilda Moskva va Sankt-Peterburgda ishga tushirilgan.
Hozirgi vaqtda MDHda 38ta zavod faoliyat koʻrsatmoqda va yiliga 1 mln. 400 ming tonnadan koʻp margarin mahsulotlari ishlab chiqarilmoqda, Respublikamizda Toshkent yogʻ-moy kombinatida qattiq va yumshoq margarin tayyorlanmoqda.
Hozirgi vaqtda ishlab chiqarilayotgan margarin va margarin mahsulotlarini assortimenti kengaytirildi, shu bilan birga aholini turli guruhlari isteʻmol qilishi uchun moʻljallangan mahsus margarinlar ishlab chiqarish yoʻlga qoʻyildi. Bu oʻz navbatida, margarinni organizmda yaxshi hazm boʻladigan, yuqori fiziologik va biologik qiymatga ega boʻlgan mahsulot deb hisoblashga imkon beradi.