2017-yilning 25-avgustida jangarilar Rakxayn shtatidagi politsiya postlariga hujum qilganidan so‘ng, Myanmada Rohinja xalqiga qarshi harbiy tazyiq boshlandi

Kazus 19.
1994-yilning 28-iyunida Ruanda hududida dala harbiylari komandirlaridan biri mahalliy aholiga qarshi hech qanday noqonuniy yoki gumanitar bo‘lmagan xatti-harakatlarni amalga oshirmaslik haqida o‘z qo‘l ostidagi harbiylarga og‘zaki buyruq berdi. Lekin mast holatdagi harbiylar, katta leytenant va ikki oddiy askar bir ayol va bir voyaga yetmagan qizga jinsiy tajovuz qilib, ularni zo‘rlashdi. Bundan tashqari, oddiy askarlardan biri ayolga qattiq tan jarohat yetkazib, uning nogiron bo‘lishiga sabab bo‘ldi. Yana bir oddiy askar esa jabrlanuvchi ayolga tegishli qimmatbaho buyumlarni tortib oldi.
Ularning bu qilmishidan komandiriga mahalliy oqsoqollardan biri shikoyat qildi. Lekin komandir mazkur murojaatni e’tiborsiz qoldirdi.
Kazus 20.
Toshkent xalqaro aeroportida U-Tair reysi bilan Pokistondan uchib kelgan P.ismli Pokiston fuqarosi samalyot qo‘nishidan so‘ng huquqni muhofaza qiluvchi organlari hamda bojxona hodimlari tomonidan amalga oshirilgan tekshiruvi olib borildi. Natijda bu shaxsda fotoapparat g‘ilofida saqlangan 2,5 gr geroin kukuni olib qo‘yildi va xibsga olindi. P.ismli fuqaro esa bunga javoban diplomatik vakolatxona xodimi ekanligini va unda diplomatik immunitet borligini ta’kidlab, bu geroin moddasini o‘zining iste’moli uchun olganligini qayd etdi. Tekshirish natijasida u hech qanday diplomatik vakolatxona vakili emasligi va unda immunitet mavjud emasligi, shuningdek, uning diplomatic passport qalbaki ekanligi aniqlandi.