3- маъруза Электр катталиклар

Электр майдони кучланганлиги деб электр майдонини характерловчи ва электр майдони томонидан зарядланган заррачага таъсир этаётган кучни характерловчи вектор қийматга айтилади. (Қуйида учрайдиган барча вектор қийматларни ифодаловчи ҳарфлар қуюқ шрифт билан белгиланади). Йўналиши бўйича мусбат зарядли синов жисмга таъсир этувчи механик куч f билан мос келувчи электр майдон кучланганлиги E қуйидагича ифодаланади E = f / q0 . Ўрганилаётган майдон тақсимланишига q0 заряднинг таъсирини буткул йўқотиш учун q0 нинг нолга интилиши зарур. Шу сабабли, қуйидаги таърифни келтириш мумкин. Электр майдони кучланганлиги деб, электр майдонининг кўрилаётган нуқтасига киритилган зарядланган қўзғолмас нуқтавий жисмга таъсир этаётган куч миқдорини шу заряд нолга интилгандаги миқдорига нисбатининг, нуқтавий жисмга таъсир этаётган мусбат куч йўналиши билан мос бўлган вектор миқдорига айтилади: E = f / q0 .

Электр токи- электр майдони таъсирида электр зарядларининг тартибли ҳаракати. Эркин зарядларнинг йўналтирилган ҳаракат жараёни / ёки магнит майдони мавжудлигида электр силжиши векторининг вақт бўйича ўзгариши, тўла электр токи дейилади. «Электр токи» атамаси нафақат ҳодисани тавсифлаш учун, балки шу ҳодисанинг жадаллигини аниқлаш учун ҳам «электр токи кучи» атамасининг синоними сифатида ишлатилади. Ток кучи - бирон бир текисликдан зарядлар сонининг бирон бир вақт ичида ўтган нисбати. «Электр токи» атамасини икки хил таърифлашга бархам бериш учун «Электр» атамасини фақат ҳодисани ифодалаш учун ишлатилади. Тўла электр токини қуйидаги асосий турларга ажратиш қабул қилинган: ўтказувчанлик токи, кўчириш токи ва силжиш токи. Ўтказувчанлик электр токи, бирор V ҳажмда Σqi·vi ≠0 бўлган-даги электр заряди эркин ташувчиларининг йўналтирилган ҳаракати ҳодисасидир. Бунда qi ва vi – жисм V ҳажмининг N эркин зарядлар тўпламига кирувчи i-зарядининг қиймати ва ҳаракат тезлиги.