3. Byudjet bilan hisob-kitoblar auditi. Tayanch iboralar
Byudjet bilan hisob-kitoblar auditi
Download 310.84 Kb. Pdf ko'rish
|
13-MAVZU. MAJBURIYATLAR AUDITI
13.3. Byudjet bilan hisob-kitoblar auditi Davlat byudjeti - bu iqtisodiyotning rivojlanishiga, mudofaa, ishlab chiqarishga taalluqli bo‘lmagan jabhalar, ta’lim va madaniyat, davlat boshqaruvi idoralari va boshqa maqsadlarga ishlatiladigan markazlashtirilgan pul jamg’armasidir. O‘zbekiston Respublikasida to‘lovlar summasi to‘g’ri hisoblanishi va byudjetga o‘z vaqtida o‘tkazilishi ustidan qat’iy nazorat qiluvchi kuchli soliq xizmati tashkil etilgan. Korxonada byudjet bilan hisob-kitoblar auditining asosiy maqsadi soliq va yig’imlarning barcha turlari bo‘yicha hisoblar to‘g’ri tashkil etilishi, ular to‘liq va o‘z vaqtida byudjetga o‘tkazilishi, soliq to‘lovlarining kechiktirish sabablari va boqimandalar qaysi schetlarga o‘tkazilganligi, mablag’lar o‘z vaqtida o‘tkazilmaganligiga aybdor shaxslarga nisbatan va yo‘lqo‘yilgan kamchiliklarni oldini olish uchun qanday choralar ko‘rilganligini aniqlashdan iboratdir. Byudjet bilan hisob-kitoblarni tekshirishda auditor xo‘jalik yurituvchi sub’ektga soliq va yig’imlar noto‘g’ri hisoblanishi hamda ular o‘z vaqtida byudjetga o‘tkazilmaganligi uchun soliq idoralari tomonidan ko‘riladigan jarima va boshqa choralari bilan bog’liq bo‘lgan moliyaviy yo‘qotishlarni oldini olishga yordam berishi lozim. Korxona qaysi soliqlar va yig’imlar bo‘yicha byudjet bilan hisob-kitob qilayotganligini aniqlash kerak. Soliq idoralari va boshqa nazorat olib boruvchi idoralar tomonidan o‘tkazilgan tekshiruv hujjatlari va yakunlari bilan tanishib chiqish lozim, zero bu oldingi davrda yo‘lqo‘yilgan xatoliklar tavsifini aniqlash va chuqur tekshiruv uchun ob’ektlarni belgilash imkoniyatini yaratadi. Foydadan (daromad) solig’i, QQS, mulk solig’i, yer solig’i bo‘yicha byudjet bilan hisob-kitoblar va davlatning maqsadli jamg’armalariga ajratmalar sinchkovlik bilan tekshiriladi, chunki ushbu to‘lovlarning byudjetga to‘lanadigan barcha to‘lovlar va yig’imlar tarkibidagi nisbati kattadir, shuningdek, soliq qonunchiligiga rioya qilmaslik va buning oqibatida kelib chiqadigan moliyaviy jazolar (jarima, boqimandalar) o‘rganib chiqiladi. Agar korxona Iqtisodiy tahlil va audit bilan shug’ullansa, eksport-import operatsiyalari to‘g’ri soliqqa tortilganligi ham tekshiriladi. Auditor soliqlarni ularning manbalariga, ya’ni foydaga, davr xarajatlariga, sotuvni kamaytirishga to‘g’ri o‘tkazilganligini tekshirishi lozim. Tekshiruv jarayonida soliqlar va yig’imlarning barcha turlari bo‘yicha hisobot davrining oxiriga aylanmalar va qoldiq to‘g’ri chiqarilganligi aniqlanadi. Buning uchun to‘lovlarning har bir turi bo‘yicha tahliliy hisob ko‘rsatkichlari jurnal- orderlar va hisobning boshqa registrlari, Bosh kitob va balansning 6400, 6500- sonli schetlari guruhi ma’lumotlari bilan solishtiriladi. Tekshiruv vaqtida aniqlangan kamchilik va xatoliklar auditorning ishchi hujjatlarida va auditorlik hisobotida qayd etiladi. Moliyalashtirish manbaidan qat’iy nazar barcha asoslar bo‘yicha xodimlar foydasiga hisoblangan, pul va (yoki) natura shakldagi to‘lovlarning barcha turlari ushbu fondlarga sug’urta badallarini hisoblash uchun ob’ekt bo‘lib hisoblanadi. Sug’urta badallarini hisoblash uchun qo‘llaniladigan bazaning ishonchliligini tekshirishda quyidagilarni bajarish zarur: - hisobot davrida hisoblangan va to‘langan mehnat haqi hamda boshqa to‘lovlar turlarini aniqlash; - haqiqatda cug’urta badallari hisoblangan to‘lovlar turlarini, tegishli ijtimoiy cug’ypta fondiga sug’ypta badallari hisoblanmaydigan to‘lovlar ro‘yxatiga muvofiq ular hisoblanishi yoki hisoblanmasligi lozim bo‘lgan to‘lov turlari bilan taqqoslash; - tegishli fondlar bo‘yicha sug’urta badallarining to‘liq to‘lanmagan (yoki oshiqcha to‘langan) miqdorini aniqlash. Oldin hisoblanmasdan, korxona kassasidan berilgan har xil to‘lovlarni (moddiy yordam, mukofot) maxsus e’tibor bilan tekshirish kerak. So‘ngra hisoblangan va to‘langan cug’ypta badallarining hisobda to‘g’ri aks ettirilishini aniqlash zarur. Bunda xodimlarga to‘langan to‘lovlarning cug’ypta badallarini hisoblash moliyalashtirish manbasi hisobidan aks ettirilayotganligiga e’tibor qaratiladi. Tekshiruv natijalari ishchi hujjatlar bilan rasmiylashtiriladi. Download 310.84 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling