3-ma`ruza: Kasb tanlash va kasbiy shakllanishning psixologik jihati. Shaxning kasbiy etikasi va individual xususiyatlar. Reja

4. Melanxolik. Yuqori xis-tuyg`uga beriluvchan, uyatchan, tez xafa bo`ladi. Mimikalari yaxshi namoyon bo`lmaydi, sust faollik, o`z-o`ziga ishonch yo`q, arzimagan narsalardan tushkunlikka tushadi. Qat`iy emas, tez charchaydi, diqqati tez buziladi, ishchan emas.
Shuni aytish lozimki, temperament bir guruh xususiyatlarni o`zida birlashtiradi. Har bir inson temperamentida o`ziga xos takrorlanmas xususiyatlar mavjud. Bir insonda bir necha temperament xususiyatlarni ko`rish mumkin. Masalan xolerikda flegmatik va melanxolik xususiyatlari, sangvenikda xolerik va flegmatik xususiyatlari namoyon bo`ladi.
Lekin bir xarakter xususiyatlarining ustivorligi asosida odamni u yoki bu tipga kiritish mumkin.
Shuni eytish mumkinki, temperament xususiyatlari xam tashqi ta`sir hayot jarayonida, tarbiya jarayonida o`zgarishi mumkin. Har bir temperamentda ijobiy va salbiy xususiyatlar mavjud. Ijobiylarini rivojlantirish, salbiylarini esa boshqarishlozim.
Rivojlantirishni birinch yo`li temperament xususiyatiga xos faoliyatni tanlash. Ikkinchi yo`li qo`yiladigan talablarni individuallashtirish. Lekin eng asosiy yo`lib u faoliyatni ng individual uslubini shakllantirish bo`lib, bunda temperament xususiyatlarini bilish jarayonlari, muloqot va xatti-harakatda namoyon bo`lishi xisobga olinadi.
Faoliyatning individual uslubi va temperament.Temperament xususiyatlarining o`ziga xos yig`indisi inson faoliyati munosabatlari va bilish jarayonlarida faoliyatning individual uslubi sifatida namoyon bo`ladi. U faoliyatning temperament bilan bog`liq dinamik tomonlarini ifodalaydi.
Faoliyatning individual uslubi faqat temperamentga ega emas, balki boshqa sabablarga shaxsiy tajriba jarayonida hosil bo`lgan ko`nikma va malakalarga ham bog`liqdir. Faoliyatning individual uslubini inson organizmini tug`ma xususiyatlari va asab tizimi tiplarining faoliyat sharoitlariga moslanishi deb qarash mumkin. Bunday moslanish kam kuch sarflab ko`proq natijaga erishish imkonini berishi kerak. Faoliyatning individual uslubining asosini asab tizimi xususiyatlari yig`indisi tashqil etadi. Faoliyatning individual uslubiga kiruvchi 2 xil xususiyatlar mavjud:
1. Asab tizimi individual xususiyatlari nuqsonlarining o`rnini tuldiruvchi tajriba jarayonida shakllangan xususiyatlar.
2. Insonda mavjud layoqat va qobiliyatlardan maksimal darajada foydalanish imkonini beruvchi xususiyatlar.