3-ma’ruza. Loyihalashning umumiy savollari. Reja: Texnik hujjatlarni ishlab chiqish

---

3-MA’RUZA. 
 
Loyihalashning umumiy savollari . 
Reja: 
1. Texnik hujjatlarni ishlab chiqish 
2.Oziq-ovqat korxonalarini loyihalash uchun topshiriqlar 
3. Loyihalash bosqichlari. 
4. Smeta hujjatlarini tuzish 
 
 Ishlab chiqarish korxonalarini loyihalash ilm-fan va texnikaning yangi 
yutuqlaridan maksimal foydalanilgan holda tashkil qilinishi shart. Chunki 
quriladigan va qayta ta’mirlanadigan ishlab chiqarish korxonalarini ishga tushirgan 
vaqtda ular texnik jihatdan ilg’or va zamonaviy bo’lishi, mehnat unumdorligi, ishlab 
chiqarilayotgan mahsulot tannarxi va sifati buyicha yuqori ko’rsatkichlarga ega 
bo’lishi kerak, hamda mehnat sharoitlari bo’yicha zamonaviy talablarga javob 
berishi shart.
Loyihalarda transport oqimlarining optimal echimlari ta’minlangan bo’lishi 
shart, ishlab chiqarish maydonlari va hududdan maksimal foydalanish kerak. Yangi 
korxonalarni ortiqcha narsalarsiz, ammo ishlab chiqarish estetikasi va texnika 
havfsizligi talablari asosida loyihalash kerak. Loyihalash jarayonida qurilish 
ishlarini tashkillashtirish va eng progressiv ishlab chiqarish texnologiyasini qo’llash 
imkoniyati ta’minlanadi. Loyihalash uchun ishlab chiqarish sanoati korxonalari 
loyihalarini ishlab chiqish bo’yicha yo’riqnomalarga, namunaviy loyihalarni
tuzishda -sanoat qurilishi uchun namunaviy loyihalash yo’riqnomalariga amal qilish 
shart. 
Asosiy qonunchilik hujjati bo’lib “Qurilish me’yorlari va qoidalari” (QM va Q) 
hisoblanadi. QM va Q – bu qurilish sanoatini loyihalash va tashkil qilish bo’yicha 
me’yoriy hujjatlar to’plami hisoblanadi. 
“Qurilish me’yorlari va qoidalari” to’rt qismdan iborat; 
- 
qurilish materiallari, buyumlari, konstrukstiya va jihozlar; 
- 
qurilishni loyihalash me’yorlari; 
- 
qurilish sanoatini tashkil qilish va texnologiyasi; 
- 
smeta me’yorlari; 
Bundan tashqari un va yorma zavodlarini, elevatorlarni, unni qopsiz saqlash 
uchun omborlarini texnologik loyihalash me’yorlari, yong’inga qarshi me’yorlar, 
aspirastiya tarmoqlari, pnevmatik va aerozol transportlarni loyihalashda loyihalash 
me’yorlari mavjud. Ishlab chiqarish korxonalari loyihalash tashkilotning oldindan 
bajarilgan va tasdiqlangan loyihasi va smetasi asosida quriladi. Korxonani 
loyihalash va qurish tarmoqni rivojlantirish va joylashtirish istiqbolli rejasidan kelib 
chiqqan holda qabul qilinadi. Loyihalashdan oldin loyiha buyurtmachisi loyihalash 
tashkiloti bilan birgalikda loyihalash topshirig’ini ishlab chiqadi. 

---