3 McCarthy, O'Dell English vocabulary in use pdf

Debet 9010-9030,9310-9390,9510-9590 ,9710 Kredit 9900 Debet 9900 Kredit 9110-9190,9410-9430,9610-9690,9720

Agar, 9900 – schyotning kredit oboroti debet oborotidan katta bo‘lsa, u hisobot yilida korxona soliqgacha foydaga, debet oboroti kredit oborotidan katta bo‘lsa, u holda korxona soliqgacha zararga erishgan hisoblanadi.

Turli faoliyat bilan shug‘ullanuvchi va faoliyat turlari bo‘yicha turlicha soliq to‘lovchi korxonalar soliqgacha foyda (zarar) ni faoliyat turlari bo‘yicha alohida-alohida hisoblashlari lozim. Buning uchun daromadlar va harajatlar ham faoliyat turlari bo‘yicha alohida hisobga olib borilgan bo‘lishligi kerak.

12.3.Foydani ishlatilishining hisobi

21-son BHMS ga asosan hisobot yilning foydasini ishlatilishi 9800

“ Foydani soliqlar va to‘lovlar uchun ishlatilishi hisobi schyotlari” da (mos schyotlarda) aks ettiriladi. Ushbu aktiv schyotning debetida yil maboynida foyda (daromad)dan o‘ndirilgan soliqlar , jumladan foyda (daromad) solig‘i, infrastrukturani rivojlantirish solig‘i, yagona soliq, yalpi tushumdan yagona soliq aks ettiriladi. Bunda ushbu soliqlar bo‘yicha byudjet oldidagi qarzlarni ifodalovchi 6400 “Byudjetga to‘lovlar bo‘yicha qarzlar hisobi schyotlari” (mos ravishdagi schyotlar) kreditlanadi.

Foyda (daromad) solig‘i ( Nf) summasi korxonaning soliqga tortiladigan foydasi summasini (Stf) soliq me’yoriga (Sm) ko‘paytirib va 100% ga bo‘lish bilan topiladi, ya’ni:

Nf = Stf *Sm : 100%

Infrastrukturani rivojlantirish solig‘i (Ninf) summasini topish uchun soliqgacha foyda summasidan ( Sft) foyda solig‘i summasi (Nf) chegiriladi, topilgan summa ushbu soliq me’yoriga (Sm) ko‘paytiriladi va 100% ga bo‘linadi, ya’ni:

Ninf = (Sft –Nf ) *Sm : 100%

Korxona soliq to‘lashning ixchamlashtirilgan tizimida (yagona soliq, yalpi tushumdan yagona soliq ) ishlayotgan bo‘lgan hollarda ushbu soliqlarning summasi Soliq Kodeksi va harakatdagi yo‘riqnomalarga muvofiq yalpi tushum (yalpi daromad) summasini ushbu soliqlarning belgilangan me’yorlariga ko‘paytirish yo‘li bilan topiladi.

Yil oxirida 9800-schyotning debetida to‘plangan soliq to‘lovlarining summalari uning kreditida va 9900 “Oxirgi moliyaviy natija” schyotining debetida aks ettiriladi va shu asosda foydaning ishlatilishi hisobi schyotlari yopiladi.