32- §. Qoqan xanlıǵınıń dúziliwi

Artta qalıwshılıqtıń aqıbetleri

Ózbek mámleketleriniń jáhán rawajlanı- wınan artta qalıwı júdá unamsız aqıbet- lerge alıp keldi. Ekonomikalıq artta

qalıwshılıq hám áskeriy ázzilik, jámiyetlik-siyasiy turaqsızlıq Orta

Aziyanı óz qaramaǵına kirgizip alıwǵa umtılıp atırǵan mámleketlerge qol keldi.

Abdulla Qadiriy óziniń «Ótken kúnler» romanında Yusupbek hajı tilinen tómendegi ayanıshlı sózler bayan etiledi:

Awqamnıń ne ekenligin bilmegen, jalǵız óziniń mápi, shaxslıǵı jolında bir-birin jep-ishken hámelparaz hám dańqparaz jaramaslar Túrkstan topıraǵınan joq bolmay turıp, bizlerdiń adam bolıwımızǵa aqılım jetpey qaldı... Biz usı tárizde ketetuǵın, bir-birimizdiń astımızǵa suw quyatuǵın bolsaq, jaqın arada patsha húkimligi Túrkstanımızdı iyeler».

Haqıyqatında da solay boldı. Ózbek mámleketlerindegi óz ara ke- lispewshilikler hám urıslar, pıtırańqılıq aqıbetinde, olardıń Rossiya imperiyası tárepinen koloniyaǵa aylandırılıwı ushın qolay múmkinshilik jarattı.

Elimizdiń ózgerlerge ǵárezliligi 1991-jıl 31-avgustqa shekem dawam etti. Ótmishti eslewlerden zárúr juwmaqlardı shıǵarǵan jurt basshıları Ózbekstandı rawajlandırıw, ǵárezsizligin bekkemlewdiń hám jáhán birge islesiwinde óziniń múnásip ornına iye bolıwına xızmet etiwshi rejelerdi turmısqa nátiyjeli qollana aldı.

Búgingi kúnde bolsa húrmetli Prezidentimiz Sh. Mirziyoev basshılı- ǵında xalqımız 2035-jılǵa barıp jahánniń eń rawajlanǵan 50 mámleketi qatarınan orın alıwday ullı maqsetti júzege shıǵarıw jolında ullı qurılıs jumısların ámelge asırmaqta. Siz de hádemey bul úlken qurılıs jumı- sına ózińizdiń múnásip úlesińizdi qosıwıńızǵa hesh gúman joq.

1. 
   Ne sebepten ózbek mámleketleri jáhán rawajlanıwına artta qalıp ketkenliginiń sebeplerin dápterińizge tártip penen kórsetiń.
   
2. 
   Búgingi Ózbekstan óz aldına qısqa múddetlerde (2035-jılı) jáhán- niń eń rawajlanǵan 50 mámleketi qatarınan orın alıwday ullı maq- setti qoyǵan. Bul maqsetti júzege shıǵarıw boyınsha rayonımızda hám máhállemizde qanday qurıwshılıq jumısları ámelge asırılıp atır- ǵanlıǵı haqqında xabar tayarlap keliń.