№33 ma’NAVIY- ma’rifiy soatlar rejasi

Jangovor jasorat ko’rsatganlar
Ma’naviy jasorat sohiblari
1	To’maris	Muso al-Xorazmiy
2	Shiroq	Ahmad Farg‘oniy
3	Spetamen	Abu Nasir Farobiy
4	Jaloliddin Manguberdi	Abu Rayhon Beruniy
5	Najmiddin Kubro	Abu Ali ibn Sino
6	...	...

1-ILOVA
Mavzu: Xotira saodati, qadr qimmati!
(9 - may “Xotira va qadrlash kuni”ga bag‘ishlanadi.)


Tayanch so’z va iboralar: Xotira, tarix, allomalar, fidoylar, jasorat, qatag’on qurbonlari, xotira kitobi, qadrlash, e’zoz.


Xotira – arabcha so‘z bo‘lib, tilimizda xotir va xotira shakllarida ishlatiladi. Kishining biror kimsa yoki narsa haqidagi biror taassurotni esda saqlash, eslab qolish qobiliyatiga xotira deyiladi. Odam xotirasi bilan odamdir. Xotirasiz kishi esa odamiylikdan chiqadi.
Xotira – yo‘qotilgan narsani eslash. Bor narsa esa qadr talab qiladi. Yo‘qotib qo‘ygandan keyin xotirlab yurgandan borida qadriga yetgan ming karra afzal. Shuning uchun zimdan bir biriga ziddek tuyulayotgan xotira va qadrlash tushunchalari mohiyatan bir-biriga uzviy bog‘liq ham.
Inson yaralganidan buyon o‘tib ketganidan keyin ham bu dunyoda yashab qolishni istaydi. Jismonan buning sira iloji yo‘q. Xotira esa – odamlarning vafotidan keyin ham bu dunyoda yashashi uchun imkon beradigan birdan – bir imkon. Odamlar – ortda qolganlar xotirasida yashashga intilish ilinji kishini tarbiyalaydi. Uni ezguliklarga, bandalarning biror koriga yarab qolishga, umrni zoe ketkazmaslikka undaydi.
Bir o‘ylab ko‘ring-a! biz yurgan yo‘llardan avvallar kimlar yurgan, yonginamizda sharqirab oqayotgan zilol suvlardan, azim chinorlarning soyalaridan o‘tmishda kimlar bahra olishgan ekan? Bizning oyoqlarimiz ostidagi zamin kimlarni bag‘rida ardoqlab olib yotibdi? Hammamiz o‘z yaqinlarimizning bizga qilgan yaxshiliklarini, yordamlari, xizmatlarini yodimizda saqlaymiz hamda xotirlaymiz. Ammo vatan uchun xizmat qilganlarni kim xotirlaydi? Vatanga xizmat nima o‘zi?