4-lekciya. Azıq hám azıqlandırıw gigienası Reje

Vitamin V₂ (riboflavin): Riboflavin jetispegende shoshqa balalarının` appetiti jog`aladı, anemiya xalatı baslanadı, o`siw pa`seyedi, tu`kleri dag`allasadı, ju`ni to`giledi baslaydı. Buwaz shoshqalar mu`ddetinen 6-16 ku`n ilgeri balalaydı. Ayırım xalda shoshqa tuwg`annan keyin 2 sutka ishinde balalarının` barlıg`ı o`ledi. Buwazlar o`siwden qaladı, bawır ha`m bu`yrek keselliklerine shalınadı. Bul jag`daydın` o`z waqtında aldın alıw ha`m saplastırıw ushın erkek ha`m urg`ashı shoshqalarg`a ratsiondag`ı qurg`aq zattın` 1 kg esabına 3-4 mg, jas shoshqalarg`a 2,5-3 mg vitamin V₂ qosıladı. Riboflavin ashıtqılardı, qaymag`ı alıng`an su`tte, ko`k ot-sho`p ha`m ko`k ot-sho`p unında, balıq, go`sh unları ha`m gu`njarada ko`p boladı. Usı azıqlar ratsiong`a kirgizilgende maldın` riboflavinge bolg`an talabı qanaatlandırıladı.