Иқтисодий хавфсизликни таъминлаш учун асосий шарт шароитлар қуйидагиларда ўз ифодасини топади: - аҳолининг цивилизацион эҳтиёжлари меъёрида яшаш имкониятининг яратилиши.
- хотиржам яшаш имкониятларининг яратилиши.
- мамлакатнинг ҳудудий ва иқтисодий яхлитлигига хавф солувчи омилларнинг олдини олиш.
Давлатнинг иқтисодий хавфсизликни таъминлаш бўйича фаолияти қуйидагиларни ўз ичига олади: - мамлакатнинг ижтимоий-иқтисодий тизими ва давлатнинг барқарорлигига хавф туғдирувчи омилларни аниқлаш ва мониторинг қилиш;
- ушбу омилларнинг зарарли, салбий таъсирига барҳам бериш ёки юмшатишга қаратилган иқтисодий сиёсатни шакллантириш ва институционал ўзгаришларни амалга ошириш.
Иқтисодий хавфсизликни таъминлаш учун давлат қуйидагиларни кўзда тутиши лозим: - ижтимоий институтлар стратегияларини бир-бирларига яқинлаштириш, уларнинг фаолиятларини координациялаштиришга имкон берадиган институционал ўзгаришларни амалга ошириш;
- хўжалик жараёнларининг барча иштирокчилари учун лоббизмни қонуний чеклаш, қонунчиликни максимал унификациялаш (яъни имтиёзлари ва турли преференцларни қисқартириш ва йўқотиш) учун иқтисодий ва ижтимоий хатти-ҳаракатларнинг умумий тамойилларини ишлаб чиқиш ва қабул қилиш;
- иқтисодиёт субъектлари ва давлат бошқарув органлари томонидан қонунларга, фаолият тартиб қоидаларига риоя қилинишининг назорат қилиш;
иқтисодий муносабатлар соҳасида вужудга келадиган мунозара ва зиддиятларни ҳал қилиш механизмини яратиш; - иқтисодий муносабатлар соҳасида вужудга келадиган мунозара ва зиддиятларни ҳал қилиш механизмини яратиш;
- кадрларни корхоналар хўжалик фаолиятини таҳлил қилишнинг ва инвестиция лойиҳаларини баҳолашнинг замонавий усулларига ўқитишни ташкил қилиш;
- жамиятда иқтисодий барқарорликни ошириш ва ижтимоий кескинликнинг ўсишига йўл қўймаслик;
- мамлакат иқтисодий манфаатларини ҳисобга олган ҳолда яқин ва узоқ хорижий мамлакатлар билан иқтисодий, сиёсий муносабатларни ҳар томонлама ривожлантириш.
Do'stlaringiz bilan baham: |
