Uy vazifasini so‘rash va o‘tilgan mavzuni mustahkamlash.
“O‘zbekiston – Vatanim manim” bo‘limi yuzasidan savol-javob o‘tkaziladi.
“Bulbul chamanni sevar, odam – Vatanni” maqol mazmunan bo‘limdagi qaysi she’rlarga mos keladi?
Vatanni sevgan o‘quvchi qanday yaxshi ishlarni bajarishi kerak? O‘quvchilar bergan javoblari to‘ldirilib, umumlashtiriladi.
“Mozaika” mashqi.
O‘quvchilar kichik guruhlarga bo‘linadilar. Har bir kichik gu- ruhlarga kuz fasli tasvirlangan rasmli konvertlar tarqatiladi.
O‘quvchilar rasmni “Mozaika” usuli yordamida yig‘adilar.
Yangi mavzu bayoni.
Bolajonlar, yig‘gan rasmingizda nima tasvirlangan ekan? O‘quvchilarning javoblari tinglanib, yangi mavzu e’lon qilinadi.
Bugun biz sizlar bilan Shukur Sa’dullaning “Kuz” she’ri bilan tanishamiz.
O‘quvchilar bilan kuz fasli, tabiat hodisalari haqida suhbat o ‘tkaziladi.
Kuz faslida qanday mevalar pishadi?
Kuzda ob-havoda qanday o‘zgarishlar bo‘ladi?
O‘quvchilar javoblari to‘ldirilib, mavzu tushuntiriladi. She’r mualli-
fi haqida qisqacha ma’lumot beriladi.
“Kuz” haqidagi videolavha namoyish etiladi. Kadr ortidan “Kuz” she’ri matni o‘qiladi. She’r mazmuni tushuntiriladi. No- tanish so‘zlar yuzasidan lug‘at ishi o‘tkaziladi.
Lug‘at ishi:
aftidan – yuzidan
zamin solinar – tayyorlanar
Yangi mavzuni mustahkamlash.
Darslik bilan ishlash. Yangi mavzuni mustahkamlash maqsadida “Kuz” she’ri o‘quvchilarga navbati bilan o‘qitiladi. O‘quvchilar dars- likdagi savollarni o‘qib, ularga javob berishadi:
“Quyosh tushar taftidan”, “Qishga zamin solinar” misralarining
ma’nosini izohlang.
“Qofiyadoshini top” o‘yini. O‘quvchilar “Kuz” she’ridagi qofi- yadosh so‘zlarni topib, aytadilar. Eng ko‘p qofiyadosh so‘z top- gan o‘quvchi g‘olib bo‘ladi.
Do'stlaringiz bilan baham: |
