4-sinf o‘qituvchilari uchun ilg‘or pedagogik va axborot-kommunikatsiya

Uyga vazifa berish. “Bo‘rining tabib bo‘lgani haqida ertak” ertagining 1-qismini o‘qish.




Mavzu: “Bo‘rining tabib bo‘lgani haqida ertak” (Anvar Obidjon).
2-qism.

Darsning maqsadi:

Ta’limiy: o‘quvchilarni “Bo‘rining tabib bo‘lgani haqida ertak” matni bilan tanishtirish, o‘quvchilarning ertak janri borasidagi bilim- larini boyitish, matnni ifodali o‘qish ko‘nikmalarini takomillashtirish.
TK 2: asardagi materiallarga ongli munosabat bildirish.
FK 1: ertakni ongli, ifodali, to‘g‘ri o‘qiy olish.
Tarbiyaviy: o‘quvchilarda rostgo‘ylik, to‘g‘riso‘zlik, samimiylik fazilatlarini tarbiyalash.
Rivojlantiruvchi: o‘quvchilarning erkin va mustaqil fikrlash, lug‘at
ustida ishlash, o‘g‘zaki nutqini rivojlantirish.
FK 2: o‘rganilgan ertak qahramonlariga o‘qituvchi yordamida baho bera olish.
Dars turi: yangi tushuncha, bilimlarni shakllantiruvchi.
Dars metodlari: suhbat, “T-chizma”, “Ma‘nodosh so‘zni top” o‘yini.
Dars jihozlari: ko‘rgazma, tarqatma materiallar, multimedia ilovalari.

Darsning borishi:

1. 
   Tashkiliy qism.
   

Salomlashish. O‘quvchilarni darsga hozirlash.

2. Uy vazifasini so‘rash va o‘tilgan mavzuni mustahkamlash.

O‘quvchilar “Bo‘rining tabib bo‘lgani haqida ertak” ertagining 1-qismini o‘qib, so‘zlab beradilar. Ertak asosida savol-javob o‘tka- ziladi.

1. 
   Quyon tabib oldiga qanday kirib keldi?
   
2. 
   Shum shifokor nimalarni o‘ylab o‘tiribdi?
   
3. 
   Bo‘ri quyonga qanday tashxis qo‘ydi?
   
4. 
   To‘ng‘izcha bo‘rining oldiga qay holatda keldi?
   
5. 
   Bo‘ri to‘ng‘izcha kasalining sababini nima deb ko‘rsatdi?
   
6. 
   Nima uchun to‘ng‘izcha juftakni rostlab qoldi?