5 – Leksiya. Absorbciya prosessinin’ teoriyaliq tiykarlari ha’m texnologiуаliq esaрlari

Distillyaciya gazleriniń suwıtqıshı (XGDS) 6 (39-súwret) jeti cargaǵa iye, olardan bes danası (AB-2) 13 absorberindegige uqsas suwıtıwshı trubkalar menen úskenelengen. Suwıtqıshtıń trubkalar aralıq keńisliginde, distillyaciya bóliminen kelip túsiwshi, suwıtılıwshı gaz háreketlenedi. Gazdiń, trubalar aralıq keńisliktiń kese kesimi boylap teń ólshemli bólistiriliwi ushın hám payda bolıwshı kondensattıń jaqsı ajıralıwı ushın, suwıtılıwshı gaz joqarıdan tómenge qaray háreketlenedi. Gaz úskenege 1-shtucer arqalı kiredi hám 3-shtucer arqalı shıǵadı. Gazdiń jaqsı aralastırılıwı hám cargalardıń arasında úskeneniń kese-kesimin jarım- jartı (chastichno) tosıp turıyshı kese diywallar (tosıqlar) 2 bar, olar gazdi hár bir carganıń arasında zig-zag tárizli háreket etiwge májbúrleydi. Suwıtıwshı suw gazge qarama-qarsı aǵımda trubaprovod boylap tómengi bochkadan baslap izbe-iz joqarısında turǵan bochkaǵa qaray háreket etedi hám joqarǵı suwıtıwshı bochkasınan shıǵıp ketedi. Gazdi suwıtqanda payda bolıwshı – ammiaktıń hám uglerod qos oksidiniń suwlı eritpesi (ammiaktıń kómir kislotalı duzları túrindegi) kórinisindegi – kondensat, 4-shtucer arqalı hálsiz suyıqlıq jıynalatuǵın ıdısqa shıǵarıladı.
Suwǵarıwshı suwıtqısh (OX) (40-súwret) bir neshe sekciyalardan turadı. Olar bir-biriniń ústine gorizontal jaylasqan, hár biriniń diametri 170/150 mm hám uzınlıǵı 27-30 m bolǵan shoyın trubalardan qurastırılǵan, trubalar kolenler 4 arqalı biriktirilgen. Barlıq sekciyalar bir tárepinen bólistiriwshi kollektorǵa 1 kelip túsedi, ol jerden sekciyalar boylap joqarıǵa jıynawshı kollektorǵa 3 kóteriledi hám suwıtqıshtan shıǵadı. Suyıqlıq trubalardıń ishinen júredi, trubalar sırtınan suw menen suwǵarıladı (suwıtıladı). Suw hár bir sekciyanıń astında gorizontal jaylasqan shılapshınǵa (korıto) 2 yamasa joqarǵı tárepinde uzınına kesilgen jırtıǵı (prorez) bar trubalarǵa kelip túsedi. Jırtıq arqalı bir tegis aǵıp, suw joqarǵı qatardaǵı trubalarǵa túsedi hám keyin izbe-iz tómengi qatarda jaylasqan trubalarǵa aǵıp, olardı teń ólshemli suwǵaradı. Solay etip, suwıtıw qarama-qarsı aǵım principi boyınsha ámelge asırıladı. Suwǵarılıwshı suwıtqıshlar oǵada úlken hám ıqshamlıǵı kem. Olar jıllılıq jetkerip beriw intensivligi boyınsha da, suwdı sarplawı boyınsha da tómen kórsetkishlerge iye.

39-Súwret. Distillyaciya gaziniń suwıtqıshı: 1 – gazdiń kiriwi ushın shtucer, 2 – cargalar arasın-daǵı bóliwshi diywal, 3 – gazdiń shıǵıwı ushın shtucer, 4 – kondensattıń shıǵıwı ushın shtucer.

40-Súwret. Suwǵarılıwshı suwıtqısh: 1 – bólistiriwshi kollektor, 2 – shılapshın (korıto), 3 – jıynawshı kollektor, 4 – trubanıń kolenosı.