5 – Leksiya. Absorbciya prosessinin’ teoriyaliq tiykarlari ha’m texnologiуаliq esaрlari

Kolonna gazlerin juwıwshı ekinshi úskene (PGKL-2) (33-súwret) biyikligi 9,8 m 8 dana shoyın cargalarǵa iye. Cargalardıń arasında 6 dana barbotajlı tarelkalar 2 ornatılǵan. Joqarǵı carga tamshı uslaǵısh retinde, tómengisi – gazdi kirgiziw hám sherebeni shıǵarıw ushın xızmet etedi. Hár bir cargada kórip turıw, tazalaw hám úskeneni ońlaw ushın lyuk bar.



33-Súwret. Kolonna gazlerin ekinshi juwıw úskenesi:
1 – cargalar, 2 – barbotajlı tarelkalar.


Hawa filtrlerin juwıwshı úskene (PVFL) cargalardıń sanı boyınsha PGKL-2 úskenesinen 7 ayırmashılıqqa iye. Bularda cargalardıń sanı altaw. Úskeneniń ulıwma biyikligi 6,8 m. Barbotajlı tarelkalar tórtew.
Absorber gazlerin juwıw úskenesi (PGAB) 1 dúzilisi boyınsha hawa filtrlerin juwıw úskenesine uqsas boladı.
Birinshi absorber (AB-1) 14 7 dana shoyın cargalardan turadı, olardıń arasına 5 dana barbotajlı tarelkalar ornatılǵan. Úskeneniń ulıwma biyikligi 7 m shamasında.
Ekinshi absorber (AB-2) 13 7 dana shoyın cargalardan turadı. Barbotajlı tarelkalar tek úsh cargada ornatılǵan. Joqarǵı úsh cargası birinshi absorber ushın postament xızmetin atqaradı. Bul basım payda etiw ushın zárúr. Payda etilgen basım suyıqlıqtıń (AB-1) 14 hám (AB-2) 13 úskenelerinen óz aǵımı menen aǵıp túsiwin sonıń menen bir waqıtta suwǵarılıwshı xolodilniktiń qarsılıǵın jeńip shıǵıwın támiynleydi. Tómengi carga gazdiń kiriwi hám ammonizaciyalanǵan sherebeniń shıǵıwı ushın xızmet etedi. Ammoniylanǵan sherebe (SAR) 9 ıdısqa óz aǵımı menen aǵıp túsiwdi támiynlew ushın (AB-2) 13 absorberi de postament – rezervuardıń 11 ústine ornatıladı.
Ekinshi absorberdiń basqa bir túrinde (34-súwret) absorbciya processi hám bunda ajıralıp shıǵatuǵın jıllılıqtıń alıp ketiliwi bir waqıtta ótkeriledi. Ol jeti dana shoyın cargalardan quralǵan, ulıwma biyikligi 12 m shamasında boladı. Ortadaǵı bes dana cargalar suwıtqıshlar bolıp esaplanadı. Hár bir carganıń eki qarama-qarsı táreplerinde tuwrı múyeshli flanecli terezeleri 7 boladı, oǵan, diametri 50/65 mm hám uzınlıǵı 3150 mm bolǵan legirlengen xromnikelli sur shoyınnan tayarlanǵan suwıtıwshı trubkalardı 3 montajlaw ushın, truba reshetkalar 5 qatırılǵan, truba reshetkalar aǵıp túsiw (peretochnaya) kameraların 4 payda etiwshi qalpaq 6 penen jabılǵan. Ol kameralar arqalı suwıtıwshı suw kelip túsedi. Jıllılıq jetkerip beriwdiń intensivligi suwıtıwshı suwdıń háreketleniw tezligine baylanıslı bolǵanlıqtan, kamera bóliwshi diywal menen bólingen, bul diywal – suwıtıwshı suwdıń birden barlıq trubalar arqalı ótpesten, al bólingen diywallardı aylanıp trubalar toplamı arqalı izbe-iz ótiwge májbúrleydi. Usınıń aqıbetinde trubkalardaǵı suw háreketiniń tezligi, onıń sarplanıwın kóbeytpesten aq artadı. Trubalar aralıq keńislikte tómennen joqarıǵa qaray gaz háreketlenedi. Trubkalar sırtınan (AB-1) 14 úskenesinen shıqqan sherebe menen suwǵarıladı. Demek, trubkalar tap skrubberli nasadka sıpatında xızmet etedi. Úskeneniń joqarǵı cargasında suyıqlıqtı ekinshi absorberdiń kese-kesimi boylap teń bólistiriwshi eki dana tarelkası bar.