5 – mavzu. Maxsus fanlarni o’qitish jarayonini tashkil etish va o’tkazish, O’quv maqsadlari va mazmunini belgilash hamda o’qitish vositalari va didaktik materiallar tayyorlash reja

Amaliy va seminar mashg’ulotlarida didaktik vositalarni qo’llash. Bu turdagi mashg’ulotlarda talabalarning olgan bilimlari mustahkamlanadi. Shuning uchun bu mashg’ulotlarda qo’llaniladigan materiallar va vositalar talabalar bilan individual yoki kichik guruhlarga bo’linib ishlashga qaratilgan. Bunda talabalar olgan nazariy bilimlariga tayanib misol va masalalar, topshiriq va mashqlarni bajaradilar. Seminar mashg’ulotlarida esa bahs-munozara yuritadilar.
Shuning uchun amaliy va seminar mashg’ulotlarida nazariy mashg’ulotlardan farqli ravishda qo’llaniladigan didaktik vositalar asosan talabalarning faoliyatlariga qaratilgan bo’lishi kerak. Buning uchun turli sxema va chizmalar, kartochka va axborot bulletenlari, uslubiy ko’rsatma va darsliklarning an’anaviy va elektron variantlaridan foydalanadilar.
Shularga tayanib o’qituvchi mashg’ulot senariysini va qo’llaniladigan majmuani ishlab chiqishi mumkin. Masalan: seminar mavzusiga oid axborot byulleteni tarqatib chiqiladi.
Turli muammoli vaziyatlarda ushbu vositalarda ish bajarishni rejalashtirish va tashkil etish lozim. Darslarga tayyorgarlik paytida barcha talablar, ko’rsatmalarga amal qilishi lozim. Bu quyidagilardan iborat:


6-rasm. Ta’lim vositalaridan kompleks foydalanish tuzilmasi

Kompleks ta’limning keyingi bosqichi – didaktik ishlar va sharoitlarni hisobga olgan holda ta’lim vositalaridan foydalanishdan iborat. Turli ta’lim vositalarining ish bajarishi turlicha, ularning didaktik ish bajarishi va sharoiti ham turli xil.