5-mavzu. Suv, yer resurslari va ularni muhofaza qilish reja

1-jadval
O’zbekiton Respublikasi er fondi

№		1986	1987	1988	1989	1990
1	Shudgor qilinadigan erlar	4276,6	4353,0	4367,4	4248,1	4176,5
2	Ko’p yillik o’simliklar	322	329,0	337,1	351,6	366,8
3	Bekor yotgan erlar	50,5	54,4	52,5	60,4	62,1
4	O’tloq va yaylovlar	23560,1	23477,2	23516,3	23506,3	23475,0
5	Tomorqalar	239,3	249,5	257,0	399,2	451,3
6	O’rmonlar	1405,0	1431,2	2021,9	1404,9	1410,1
7	Tayyorlanayotgan erlar	136,1	145,7	1380,0	101,6	103,7
8	O’zbekiston Respublikasi maydoni	44884	44884,4	44884,4	44884,4	44884,4

Tuproq sho‘rlanishi Tuproq sho‘rlanishi – sug‘orma dehqonchilikda rivojlanishni chegaralaydigan sabablardan biri hisoblanadi. Masalan: Iroqda sug‘oriladigan maydonlarning 50 % ga yaqini, Amerikada esa 27 % dan ortiqroq maydon sho‘rlangan. Tuproq sho‘rlanishi agrobiotsenoz (sun’iy) va biotsenozlar (tabiiy) hosildorligini to‘satdan cheklab qo‘yadi, organizmlarning tur tarkibi va ekotizimlarning xilma-xilligini kamaytiradi va hududlarni cho‘lanishiga olib keladi.
SHo‘rlanish Qoraqalpog‘iston, Buxoro, Sirdaryo, Qashqadaryo, Xorazm vohalaridagi yerlarni zararlagan. Asoslanmagan holda yerlarni o‘zlashtirish, suv taqchilligi va Orol dengizi suvining kamayishi hisobiga 1991 yildan e’tiboran, O‘zbekistonda ko‘plab yerlarni o‘zlashtirish to‘xtatildi.
Tuproq eroziyasi
Tuproqnnig hosildorligiga salbiy ta’sir qiladigan omillar:
- shamol eroziyasi (deflyatsiya);
- suv eroziyasi.
Deflyatsiya. Shamol ta’sirida mayda tuproq bo‘lakchalari uchib ketadi va tuproqda qum miqdori oshadi. Deflyatsiya ta’sirida tuproqda gumus miqdori kamayadi va agroximik, suvning fizik xossalari yomonlashadi. Deflyatsiyaga uchragan yerlar Farg‘ona, Surxondaryo, Qashqadaryo, Buxoro viloyatlarida uchraydi. Ayniqsa, sezilarli darajada deflyatsiya Orol dengizi qurishi hisobiga Qoraqalpog‘iston Respublikasida uchraydi. Orol dengizining qurigan tubidan chang, qum, tuz kabilar O‘zbekistonning yuzlab kilometr masofalariga tarqalmoqda.


Tuproqning degumidlanishi (degumifikatsiya)
Keng miqyosda sug‘orma dehqonchilik uchun yerlarni o‘zlashtirish hamda yaylovlardan oqilona foydalanmaslik cho‘llanishning o‘ziga xos turi ­– tuproqning degumidlanishi (degumifikatsiya) yoki tuproqning oriqlanishiga va hosildorliknnig pasayib ketishiga olib keladi.
Degumidlanish (lot.de-ajralish, pasayish, humus – tuproq, facere-qilmoq) deganda organiq qoldiqlarning sernam va kislorod yetishmaydigan sharoitda biokimyoviy jarayonlarga uchrab, parchalanmay qolishi tushuniladi. Bu - gumusning yo‘qotilishidir. Gumus yo‘qotilishi atrof-muhitda cho‘llanish jarayonini kuchaytiradi va irrigatsion eroziyani keltirib chiqaradi. Yaylov tuproqlarining oriqlashi – chorva mollarini bir maydonning o‘zida haddan tashqari ko‘p boqish natijasida o‘simlik qoplamining degradatsiyasi paydo bo‘lishidandir.
O‘zbekistonda tuproqning past va juda past gumus bilan ta’minlanganligi (0,4 % dan 1,0 % gacha) butun sug‘oriladigan yerlarning 40 % ini egallaydi (1,7 millon gektar yer).


O‘simlik qoplami degradatsiyasi. O‘simlik qoplami degradatsiyasi - (tur tarkibi, zichlik va holatning o‘zgarishi) cho‘llanishning eng ko‘p tarqalgan va oson aniqlanadigan jarayonlaridan biridir. Degradatsiya - (fran. Degradation – asta-sekin yomonlashuv) – biron bir narsa yoki holatning son va sifat jihatdan oldingi holatidan yomonlashuvi, yemirilishi.
Degradatsiya – hosildorlik kamayishi, fotosintetik faoliyat va o‘simlik qoplamining landshaftni muvozanatlab turadigan funksiyasini pasayishi bilan izohlanadi. Asosiy sabab esa, inson ta’siri va shuningdek, kuchayadigan salbiy omillardir (masalan: qurg‘oqchilik, bug‘lanish va boshqalar).