5-mavzu. Xo‘jalik faoliyatining pul-moliya sohasidagi iqtisodiy xavfsizlik. Reja

O‘zbekistonning valyuta siyosati quyidagilarga qaratilgan:

• 
  mamlakatning valyuta moliyaviy holatini mustahkamlash, uning to‘lov qobiliyatiga va kreditga layoqatligiga erishish;
  
• 
  inflyatsiyani «jilovlash»;
  
• 
  chet el kapitalini jalb etish;
  
• 
  iqtisodiyotning «dollarlashuvi»ga yo‘l qo‘ymaslik;
  
• 
  o‘zbek so‘mining mavqeini mustahkamlash va uning to‘liq konvertatsiyasiga erishish. Bu siyosat valyutaviy cheklashlar, valyuta kursini tartibga solish, oltin-valyuta zaxiralarini oshirish, so‘mning konvertatsiyalanish jarayonlarini boshqarish kabilarda namoyon bo‘ladi.
  

Moliya-kredit sohasida banklar xavfsizligini ta’minlashning tashkiliy- boshqarish chora-tadbirlarini amalga oshirish yullari:

• 
  banklarning manfaat va huquqlarini qonuniy himoya qilish;
  
• 
  bank bilan bog‘liq vaziyatlarni tavsiflovchi ma’lumotlarni to‘plash, tahlil qilish, baholash va bashorat qilish;
  
• 
  sheriklarni, mijoz va raqobatlarni o‘rganish;
  
• 
  xavfsizlikka tahdid soluvchi manbalar, sub’ektlarni ifodalovchi shaxslar tomonidan bankka va uning xodimlariga bo‘lgan qiziqishni o‘z vaqtida aniqlash. Ulardan himoyalanish choralarini ko‘rish;
  
• 
  bankka iqtisodiy shpionaj, tashkiliy jinoiy guruh vakillarining kirib olishiga yo‘l qo‘ymaslik;
  
• 
  bankka jinoiy maqsadlarda texnik, ya’ni aloqa kompyuter tarmog‘i orqali kirib olishga to‘sqinlik qilish;
  
• 
  bank xodimlarini turli tajovuzlardan himoya qilish;
  
• 
  moliyaviy va moddiy mol-mulk, tijorat siri hisoblangan axborotlarni, ma’lumotlarni qo‘riqlash;
  
• 
  bino, inshoot, bank territoriyasi va transport vositalarini qo‘riqlash;
  
• 
  moliyaviy faoliyat strategiyasi va taktikasini ishlab chiqish;
  
• 
  ommaviy axborot vositalari, hamkorlar va mijozlarda bank to‘g‘risida ijobiy fikr, tasavvur uyg‘otish;
  
• 
  bank va uning xodimlariga ayrim tashkilot va shaxslar tomonidan yetkazilgan moddiy va ma’naviy zararni qoplash uchun sharoitlar yaratish;
  
• 
  xavfsizlik tizimining samarali faoliyat yuritishini muntazam nazorat qilish.