5-sinf o’quvchilari bilan o’tkaziladigan psixologik tadbirlar Yangi muhitga moslashish davridagi xavotirlanishni aniqlash

Amaliy topshiriq. 
O’quvchilarga “Maktabdagi his-tuyg’ularim” amaliy topshirig’ini bajarish taklif 
etiladi (2-ilovaga qarang). 
“Men o’zimga, o’z kuchimga ishonaman” mashqi. 
Bolalarga quyidagi tasdiqlar o’qib beriladi va ularni baholash so’raladi. Agar 
tasdiq to’g’ri bo’lsa bolalar bosh barmoqlarini tepaga ko’tarishlari, noto’g’ri bo’lsa 
pastga tushirishlari kerak bo’ladi.
Tasdiqlar: 

Odatda men ertalab va kechqurunlari yaxshi kayfiyatdaman. 

Ko’zgudagi aksim menga yoqadi. 

Men maktabni juda yaxshi ko’raman. 

Hayotimda yaxshi narsalar juda ko’p. 

Men optimistman. 

O’z xatolarimni tan olaman. 

Hayotimda deyarli hech narsani yaxshi tomonga o’zgartirish shart emas.

Men qiziqarli shaxsman. 

O’zimda sodir bo’lgan o’zgarishlar menga yoqadi. 

Men mehribonman. 

Do’stlarim meni fikrimni qadrlashadi. 

O’zimdan qoniqaman. 

O’z his-tuyg’ularimni oshkor qilishdan qo’rqmayman. 

Hayotim juda qiziqarli va quvonchli. 

So’rovnoma.

---

O’quvchilar “O’quvchilarni maktab hayotidan qoniqqanligini o’rganish” 
so’rovnomasi savollariga javob beradilar. (3-ilovaga qarang).
Psixolog. Agar ko’p tasdiqlarga ko’nsang, demak sen o’z kuchingga 
ishonasan va ko’p narsalarni mustaqil bajara olasan. Aksincha keltirilgan 
tasdiqlarning ko’pchiligi sengga mos kelmasa, unda qayg’urish kerak emas, hali 
hammasi oldinda! 
4. Refleksiya. “Yaxshi kun uchun rahmat” mashqi. (5 daqiqa). 
Bu mashg’ulotni yakunlash uchun so’nggi mashq bo’lib, uning yordamida 
bolalarda tashakkur bildirish va do’stona munosabat kabi muhim sifat shakllanadi.
Ko’rsatma: Iltimos, doira bo’lib turing. Hozir Siz bilan bir-birimizga 
do’stona munosabatlarimizni va tashakkurimizni namoyon etishga yordam beruvchi 
kichik mashq o’tkazamiz. O’yin quyidagi tarzda kechadi: bir kishi doira markaziga 
kelib turadi, boshqa ishtirokchi uni yoniga kelib, qo’lini siqib “Shu bugungi kunimiz 
juda maroqli o’tdi, buning uchun rahmat!” deydi. Ikkala ishtirokchi ham qo’lini 
ushlab turgan holda markazda turadi, so’ngra uchinchi o’quvchi ham kelib birinchi 
yoki ikkinchi o’quvchining qo’lini tutib “Bugungi kun uchun rahmat” deydi. Shu 
tariqa markazdagi doira kengayadi. Boshqa o’quvchilar ham navbatma-navbat kelib 
bir-birlarining qo’llarini mahkamroq ushlagan holda yuqoridagi so’zlarni qaytarib 
mashg’ulotga yakun yasaydilar.