6-mavzu. Trikotaj to’qimalarining tasnifi
Download 98.4 Kb. Pdf ko'rish
|
|
1.1-rasm. Oddiy to’qimaning tuzilishi
1-tanda ipi, 2-arqoq ipi Trikotaj deb, xalqalardan tashkil topgan to’qima, kiyim yoki matoga aytiladi. Trikotajni eni bo’ylab bir qatorda joylashgan xalqalar gorizontal xalqalar qatorini, vertikal bo’yicha biri ikkinchisiga ilashib (нанисение) joylashgan xalqalar vertikal xalqalar ustunchalarini tashkil qiladi [5]. Trikotaj ko’ndalangiga va bo’ylamasiga to’qilgan trikotajlarga bo’linadi. Ko’ndalangiga to’qilgan trikotajda xalqalar qatori bir ipning ketma-ket egilishidan hosil qilinadi. Bo’ylamasiga to’qilgan trikotajda esa xalqalar qatori, parallel joylashgan tanda iplarining butun bir tizimini bir vaqtning o’zida ignaga qo’yilishi va uni egilishidan hosil qilinadi. Trikotajning ikki turi: bir va ikki qavatli trikotaj mavjuddir. Bir qavatli trikotaj bir ignadonli (bir fonturali) mashinalarda, ikki qavatli trikotaj esa ikki ignadonli (ikki fonturali) mashinalarda to’qiladi. Ikki qavatli trikotaj to’qimasi bir yuzli, ikki yuzli va ters (orqa) tomonli to’qimalarga bo’linadi. 1.2, a-rasmda bir qavatli ko’ndalangiga to’qilgan to’qima xalqalarining tuzilishi va 1.2, b-rasmda bo’ylamasiga to’qilgan trikotaj xalqalarining tuzilishi tasvirlangan. Rasmda ko’rsatilgan to’qimaning har bir xalqasi xalqa asoslari va xalqa asoslarini birlashtiruvchi qismdan tashkil topgan. Unda 1-2-3-4-5 xalqa asosi ikki to’g’ri kesmalardan, yoki tayoqchalardan (1-2 va 4- 5) va yarim aylana yoki igna ustida hosil qilingan 2-3-4 yoydan iborat deb qabul qilingan. Ko’ndalangiga to’qilgan trikotaj xalqasining 5-6-7 platina yoyi yoki yarim aylana ko’rinishidagi qismi bitta xalqalar qatoridagi qo’shni xalqalar asoslarini birlashtiradi. 1.2-rasm. Trikotaj to’qimalarining tuzilishi a- bir qavatli ko’ndalangiga to’qilgan to’qima xalqalarining tuzilishi b- bo’ylamasiga to’qilgan trikotaj xalqalarining tuzilishi Bo’ylamasiga to’qilgan trikotaj to’qimasi xalqasining 5-6 xalqalar asoslarini birlashtiruvchi qismi deyarli to’g’ri kesma ko’rinishiga ega bo’lib, ikki qo’shni xalqalar qatoridagi yoki bir-biridan bir necha xalqalar qatori oralig’ida joylashgan qatorlardagi xalqalarni birlashtiradi. Bundan tashqari, bo’ylamasiga to’qilgan trikotaj to’qimasi xalqalarining protyajkasi faqat qo’shni xalqa ustunchalaridagi xalqalarni emas, balki bir-biridan biror oraliqda joylashgan ustunchalardagi xalqalarni ham birlashtirishi mumkin [6]. Shakli va katta-kichikligi bir xil bo’lgan xalqalardan tashkil topgan bir qavatli ko’ndalangiga to’qilgan trikotaj to’qimasi glad’ deb ataladi. 4.1-rasmda glad’ to’qimasining tuzilishi, xalqalarining old va orqa tomonlari ko’rsatilgan. To’qimaning old tomonida (4.1, a-rasm) asosan xalqalar tayoqchalari ko’rinib turadi, xalqa tayoqchalari platina va igna yoylari ustidan o’tib, ularni to’sib turadi. To’qimaning orqa tomonida (4.1, b-rasm) asosan igna va platina yoylari ko’rinadi, ular xalqa tayoqchalari ustidan o’tib, ularni to’sib turadi. 4.1-rasm. To’qimalar tuzilishi a-glad’ to’qimasining old tomoni, b-glad’ to’qimasining orqa tomoni, d- hosilali glad’ to’qimasi Glad’ to’qimasi trikotaj korxonalarida juda ko’p ishlab chiqariladi va deyarli barcha ichki va sport kiyimlarini, paypoq mahsulotlarini tayyorlashda keng qo’llaniladi. Glad’ to’qimasi quyidagi xususiyatlari va o’lchamlari bilan ajralib turadi [14, 15]. Download 98.4 Kb. Do'stlaringiz bilan baham: 
|