6-Modul: Avtoservis korxonalarining ishlab chiqarish uchastkalari va ularda bajariladigan ishlar Reja

Garaj domkratlari harakatlanuvchi yuk ko‘tarish mexanizmlari bo‘lib, ular ko‘tarish moslamasi va kuch hosil qiluvchi qismdan iborat bo‘ladi. Ular avtomobillarning oldingi yoki orqa qismidan osish uchun xizmat qiladi. Ko‘tarish mexanizmining turi bo‘yicha asosan gidravlik bo‘lib, qo‘l bilan boshqariladi.

Harakatlanuvchi, yuk ko‘tarish qobiliyati 20 tonnaga ega bo‘lgan gidravlik domkrat (Markasi-5.8204, ko‘tarish balandligi 220-680 mm, maydonchasi 179 mm)

Garaj domkratlarining yuk ko‘tarish qobiliyati 1,6-12,5 t oraliqda bo‘lib, ko‘tarish balandligi 430-700 mm tashkil etadi . Ulardan avtoservis korxonalarida TXKvaJT ishlarini pol ustidagi postlarda bajarishda foydalaniladi.

Ko‘tarish-tashish jihozlari. Katta avtoservis korxonalarida yuk ko‘tarish qobiliyati 0,25-1 t dan iborat bo‘lgan yakka relsli elektrotelg’ferlardan va yuk ko‘tarish qobiliyati 1-3 t bo‘lgan osma kran-balkalardan hamda elektrokaralardan foydalaniladi. Kichikroq korxonalarda esa harakatlanuvchi kranlardan a,b) foydalaniladi. Ularning yuk ko‘tarish qobiliyati 1-2,5 t ni tashkil etadi.

Transmissiya agregatlari uchun harakat-lanuvchi ustun (rusumi-KE-32, yuk ko‘tarish qobiliyati 600 kg, ko‘tarib olish balandligi 1125 mm, ko‘tarish balandligi 1950 mm, tashqi o‘lchamlari 375x305x112 mm, massasi 49 kg).	Buklanuvchan harakatlanuvchi kran (rusumi-5.1310, yuk ko‘tarish qobiliyati 250-500-750-1000 kg., ilib olish balandligi-min 10-100-190-280 mm, max 2030-1955-1880-1805 mm, ko‘tarish uzunligi 1100-1010-920-830 mm., tashqi o‘lchamlari 1260x980x1400 mm, massasi 75 kg.

Yuk tashuvchi aravachalar agregat va birikmalarni (uzatmalar qutisini, radiatorlarni, ko‘priklarni, kardan vallarini, ressorlarni va h.k.) avtomobildan yechuvchi moslamalar bilan qurollangan bo‘lishi mumkin. Bunga avtomobillar g‘ildiraklarini, transmissiya agregatlarini va dvigatellarini yechish, tashish va o‘rnatish aravachalari misol bo‘la oladi.