6. tema. MÁMleketlik byudjettiŃ MÁNİSİ, ÁHMİyeti HÁm oniń funkciyalari

Byudjetti kórip shıģıw hám tastıyıqlaw
Mámlekettiń joqarı atqarıwshı organı – Ózbekistan Respublikası Ministrler Kabineti tárepinen maqullanģannan soń Mámleket byudjettiń joybarın dodalaw (kórip shıģıw) hám tastıyıqlaw (qabıl etiw) ushın nızamshılıq organı bolģan Oliy Majliske usınıladı. Ádette, byudjettiń joybarın Oliy Majlistiń hár bir palatasında (aldın tómengi palata bolģan Nızamshılıq palatasında hám joqarı palata sanalģan Senatta) ayrıqsha dodalanadı.
Mámleketlik byudjet Ózbekistan Respublikası Oliy Majlisi tárepinen qabıl etiledi.
Mámleketlik byudjetine muwapıq:

• 
  Qaraqalpaqstan Respublikası byudjeti, wálayatlar hám Tashkent qalalıq byudjetleri Mámleketlik byudjet qabıl etilgennen keyin eki háptelik múddet ishinde tiyisli ráwishte Qaraqalpaqstan Respublikası Joqarı Keńesi hámde wálayatlar hám Tashkent qalalıq hákimiyat wákillik organları tárepinen;
  
• 
  Qaraqalpaqstan Respublikası hám wálayatlar quramına kiriwshi rayonlar hám qalalar byudjetleri Qaraqalpaqstan Respublikası hám wálayatlar byudjetleri qabıl etilgennen keyin bir háptelik múddet ishinde rayon, qala hákimiyat wákillik organlari tárepinen;
  
• 
  Qalalar quramına kiriwshi rayonlar byudjetleri hám rayon boysınıwındaģı qalalar byudjetleri belgilengen múddetlerde jergilikli hákimiyat joqarı turıwshı wákillik organları tárepinen qabıl etiledi.
  

Mámleketlik byudjet qabıl etilgennen soń onıń qarjıları byudjetten qarjı alıwshılarģa ornatılģan tártipke muwapıq ráwishte jetkeriliwi kerek. Usıģan qaray Ózbekistan Respublikası Finans Ministrligi:

• 
  Qaraqalpaqstan Respublikası Ministrler Keńesi, wálayatlar hám Toshkent qalası hákimlikleri itibarına Qaraqalpaqstan Respublikası wálayatlar hám Toshkent qalası byudjetleriniń dáramatları hám qárejetleri muģdarların, sonday-aq, kelesi finans jılı ushın olarģa respublika byudjetinen ajıratılatugın byudjet dotaciyaları hám subvenciyaları muģdarın hám byudjetke tiyisli basqa kórsetkishlerdi – Mámleketlik byudjet qabıl etilgen keyin bir háptelik múddet ishinde;
  
• 
  Respublika byudjetinen finanslastırılatuģın mekemeler, sonday-aq, Mámleketlik maqsetli jamģarmaların bólistiriwshi organlar itibarına olar ushın belgilengen dáramatlar hám qárejetler muģdarın – Mámleketlik byudjet qabıl etilgennen keyin 10 kúnlik múddet ishinde jetkeriliwi lazım.
  

Qaraqalpaqstan Respublikası hám jergilikli byudjetler qabıl etilgennen keyin tiyisli finans organları bir xáptelik múddet ishinde:

• 
  Mámleketlik salıq xızmetiniń tiyisli jergilikli organları itibarına – Qaraqalpaqstan Respublikası byudjeti hám jergilikli byud-jetler dáramatlarınıń tastıyıqlanģan muģdarın;
  
• 
  Qaraqalpaqstan Respublikası byudjeti hám jergilikli byud-jetlerden finanslastırılatugın mekemeler itibarına – olar ushın belgilengen byudjetten ajıratılatuģın qarjılar muģdarın jetkeriwi kerek.