7-sinf jahon tarixi 2017 qo`llanma (TO`liq 1-44-§§.)

Salibchilar Yaqin Sharqda. Yevropadan kelayotgan ritsarlar oqimi xristianlarga istilo qilingan hududlarni 200 yilcha qo‘lda saqlash imkonini beradi. Yaqin Sharqda salibchilar mahalliy dehqonlarni qaramlikka tushiradilar. Yangi xo‘jayinlar hosilning 1/3 qismini soliqqa ola boshlaydi. Unga qo‘shimcha tarzda aholi qirolga, xristian cherkoviga ham soliq to‘lashga majbur etiladi. Natijada mahalliy aholida salibchilarga nisbatan nafrat kuchayib, qo‘zg‘olonlar ham bo‘lib turadi.
Diniy-ritsarlarning ordenlari. Falastinda tashkil etilgan diniy-ritsarlik ordenlari odatdagi rohiblar ordenlaridan tubdan farq qilgan. G‘arbda oddiy rohiblarning asosiy ishi ibodat va mehnat qilish bo‘lsa, diniy-ritsarlik ordeni a’zolarining asosiy vazifasi urush edi.

Diniy-ritsarlik ordenlari
№	Diniy-ritsarlik orden turi(nomi)	Diniy-ritsarlik orden haqida ma`lumotlar
1	gospitalyerlar(ioanniylar)	Musulmonlar Falastinni qayta egallaganidan so‘ng orden dastlab Rodos oroliga, bir necha asr o‘tib Maltaga ko‘chib joylashadi.
2	tampliyerlar	Quddusga kelayotgan ziyoratchilarni himoya qilish uchun tuzilgan ikkinchi ritsarlik ordeni
		Tampliyerlar xayriya va in’omlar olishdan tashqari, sudxo‘rlik bilan ham shug‘ullangan
		Yevropada ularning boyliklari haqida afsonalar to‘qilgan
3	Tevton ordeni	Uchinchi yirik diniy-ritsarlik ordeni Muqaddas Bibi Maryamga bag‘ishlangan
		ko‘pchilik ritsarlar Germaniyadan bo‘lgani uchun, uni Nemis(Tevton ordeni) deb nomlangan