8 – Leksiya. Kalsiynasiya prosessinin’ teoriyaliq tiykarlari ha’m texnologiуаliq esaрlari

59-Súwret. Soda pechlerin returlı azıqlandırıw menen kalcinaciya bóliminiń texnologiyalıq sxeması: 1 – aralastırǵısh, 2 – azıqlandırǵısh, 3 – qabıllaǵısh, 4 – gúrekli transporter, 5 – vakuum – filtr, 6 – bunker, 7, 9 – transportlıq trubalar, 8, 11, 18, 19 – shnekli transporterler, 10 – ciklon, 12 – soda pechleri gaziniń kollektorı, 13 – soda pechleri gaziniń suwıtqıshı, 14 – soda pechleri gazin juwıw úskenesi, 15 – hálsiz suyıqlıq ıdısı, 16 – elevator, 17 – túsiriwshi shnek, 20 – borov, 21 – gazoxod, 22 – soda pechi, 23 – oshaq.

Quramında ortasha 20 n.ú. hám 10 n.ú. tı bolǵan, hálsiz suyıqlıq XGSP úskenesinen jıynaw ıdısına 15 aǵıp túsedi, onnan keyin kishi distillyaciyaǵa hám soda pechleri gaziniń kollektorın suwǵarıwǵa ketedi. PGSP úskenesin suwǵarıwshı, kishi distillyaciyadan keyingi kondensat yamasa suw úskeneniń tómengi bóliminde jıynaladı hám skrubber suyıqlıǵı túrinde filtrlerdegi bikarbonattı juwıwǵa beriledi.

Soda pechlerin retursız azıqlandırǵanda bólimniń texnologiyalıq sxemasında sodanı transportirovkalaw ádewir ápiwayılasadı, returǵa bolǵan talap joǵaladı. Bul sxema boyınsha tazalanbaǵan bikarbonat qabıllaǵıshtan 3 ılaqtırıwshı – úskenege ketedi, ol aralastırǵıshtıń ornına ornatılǵan ılaqtırıwshı beldiń járdeminde ıǵal bikarbonat pechtiń tórine “soda kópshigine„ taslanadı, ol returlıq sodanıń ornına júredi.
Soda pechlerin retursız azıqlandırǵanda tayar sodanı júklew ornına jetkerip beriw tek pech ońlawdan shıqqannan keyin iske qosqan waqıtta pechtiń barabanın aldın-ala soda menen toltırıw ushın zárúr boladı.
Sonı aytıp ótiw kerek, retursız azıqlandırıwshı soda pechleri ushın shómishler járdeminde bikarbonattıń beriliwi bir tegis bolmawı sebebinen turaqlılıǵı kem bolǵan jumıs rejimi tán boladı. Returlı azıqlandırǵıshlı soda pechlerinde soda bir teklirek hám kólemlik (nasıpnoy) massası ádewir joqarı bolıp alınadı, bul ıǵal bikarbonattı soda menen aldın-ala aralastırǵanda bikarbonattı tronǵa ótkeriw ushın qolaylı sharayat bolıwı menen, sonday aq tronnıń uzaq waqıt qızdırılıwı menen baylanıslı.