8 – Leksiya. Kalsiynasiya prosessinin’ teoriyaliq tiykarlari ha’m texnologiуаliq esaрlari

61-Súwret. Tayanısh rolik (aldıńǵı):
1 – kósher, 2 – qursaw, 3 – tayanısh rolik, 4 – podshipnikler, 5 – suw vannası.
Soda pechiniń artqı bólimi baraban uzaqlasqanda háreketsiz boladı. Onıń halatıń anıqlaw ushın tayanısh-tirek qurılması xızmet qıladı. Soda pechiniń qasnaǵına 3 (62-súwret) bashmaklar 2 járdeminde, tayanısh roliklerge 5 súyeniwshi qursaw 4 bekitilgen. Barabandı eki, tirek rolikler 1 uslap turadı (fiksiruet) (ekinshi rolik qursawdıń arǵı jaǵında jaylasqan hám ol sızılmada kórinbeydi). Barabandı tirek boltlar 6 oraylastıradı, olardıń járdeminde tayanısh rolikler strelka menen kórsetilgen baǵdarlarda háreketleniwi múmkin. Shınjır 2 (60-súwretke qarań) barabannıń ishki betlerin soda qaspaqlarınan tazalaw, payda bolıwshı soda keseklerin (kamok) maydalaw hám olardı aralastırıw ushın xızmet etedi. Baraban aylanǵanda shınjır bazı bir biyiklikke kóteriledi, al keyin barabannıń beti boylap sırǵanap tómenge túsedi. Returlı azıqlandırǵıshlı pechlerde shınjır 60-súwrette kórsetilgenindey etip bir ushınan qatırıladı, al ekinshi ushı barabannıń betinde erkin jatadı (bazda shınjır eki ushınan da ildiriledi).

62-Súwret. Soda pechinıń tayanısh – tirek qurılması:
1 – tirek roligi, 2 – bashmak, 3 – qasnaq, 4 – qursaw, 5 – tayanısh rolik, 6 – tirek boltlar.
Retursız azıqlandırılıwshı pechlerde shınjır eki ushınan ildiriledi. Shınjır shoyınnan soǵılǵan bólek-bólek, úlken zvenolardan turadı, hár qaysısınıń awırlıǵı 14,0 kg, bir-biri menen shıyırshıq penen baylanısqan. 63-súwrette, shınjır zvenosınıń qaptaldan kórinisi barabannıń júklew bólimi tárepinen kórsetilgen. Tisli polat pıshaq 1 materialdıń ústińgi qatlamında qarıq kesedi, keyin onı barabannıń 3 diywalınan tutas pıshaq 2 kesip aladı.
64-súwrette retursız azıqlandırılıwshı soda pechiniń júklew bólimshesi kórsetilgen. Onda pechtiń baraban 7 qursaw 5, shınjır 8 hám onıń shıyırshıǵı 10 kórinip turıptı. Pechtiń aylanıwshı awzı 6 menen júklewshi kameranıń bekkemleniwi 4, kórsetip ótkenimizdey, salnik 9 járdeminde ámelge asadı. Pechtiń ıǵal bikarbonat penen toltırılıwı tómendegi tárizde ámelge asırıladı. Bikarbonat bılǵawıshdan 3 júklewshi-ılaqtırǵıshqa 2 kelip túsedi. Ilaqtırǵısh bel ıǵal bikarbonattı pechtiń tórine tayar sodanıń – «soda kópshiginiń» ústine atadı. Motor 1 júklegishtiń barabanın hám ılaqtırǵısh beldi aylandıradı. Barabannıń hám ılaqtırǵısh beldiń aylanıslar sanı 1:6 qatnasında sinxronlastırılǵan.