8 – Leksiya. Kalsiynasiya prosessinin’ teoriyaliq tiykarlari ha’m texnologiуаliq esaрlari

60-Súwret. Returlı úlken soda pechi: 1 – tayanısh rolik, 2 – shınjır, 3 – podshipnik, 4 – pechtiń awızı, 5 – júklew kamerası, 6 – aralastırǵısh, 7 – azıqlandırǵısh, 8 – gazdi alıp ketiw ushın shtucer, 9 – qasnaqlar, 10 – qursawlar (bandaji), 11- konus tárizli bochkalar, 12 – soda pechi, 13 – túsiriwshi shnek, 14 – elektrodvigatel, 15 – reduktor, 16 – tisli digershik.

Pechtiń aldıńǵı bólimindegi awzı qozǵalmaytuǵın júklew kamerasına 5 kirip turadı. Aylanıwshı awız salnik járdeminde tıǵızlanǵan. Ol salnikte baraban kósheri boylap orın almastırıwı múmkin, qızdırıw waqtıńda ol uzaytıladı hám suwıtqanda qısqartıladı. Júklewshi kamerada, pechtegi kalcinaciya processinde bólinip shıǵıwshı gazlerdi alıp ketiw ushın shtucer 8 bar. Júklewshi kameranıń qalanǵan diywallarına ishki tárepten shınjır 2, sırtqı tárepinen – aralastırǵısh 6 hám azıqlandırǵısh 7 biriktirilgen. Pechtiń artqı, túsiriwshi bólimindegi awzı (gorlovina) qaqpaq penen jabılǵan, onıń dál ortasında, pechke túsiriwshi shnekti 13 kirgiziw ushın arnalǵan sańlaǵı bar. Pechtiń barabanı tisli degershik 16 penen baylanısqan, reduktor 15 arqalı elektrodvigatel 14 menen aylandırıladı. Soda pechi óziniń qursawları 10 menen podshivnikli 3 eki jup roliklerge 1 tayanadı.

Pechtiń aldıńǵı júklew bólimi tárepinen tayanısh roliklerdiń dúzilisi 61-súwrette kórsetilgen. Diametri 1100 mm bolǵan tayanısh rolik 3 podshivniklerde 4 aylanıwshı, kósherge 1 ornatılǵan. Podshivnikler suw menen suwıtıladı hám avtomat tárizde maylanadı. Aylanǵanda suw vannasına 5 túsip, roliklerdiń ózleride suwıtıladı. Vannaǵa juqa qatlamda may quyılǵan, ol roliktiń hám qursawdıń betin maylaw ushın xızmet qıladı. Rolik, shar tárizli formadaǵı 1 qursawǵa 2 sáykes keliwshi, qaptal pishimine iye. Aldıńǵı jup roliklerdiń artqı roliklerden parqı sonda, aldıńǵı rolikler kósher menen birge kósherdiń uzınlıǵı boylap podshivniklerde erkin háreketlenip, baraban uzaqlasqanda izinen júredi. Súwrettegi rolik 3 kósher 1 menen birgelikte shep táreptegi podshivnikke 4 qaray júriwi múmkin.