8 ma’ruza urug’. Meva. O’simliklarning ko’payishi reja
Download 61.11 Kb. Pdf ko'rish
|
urug` va meva
- Bu sahifa navigatsiya:
- Meva va urug’larning tarqalishi.
- Аsosiy adabiyotlar
Lizikarp mevalar. Bu tipdagi mevalar ko’sakcha meva bo’lib, sinkarp
mevalar ko’sakchasidan kelib chiqqan. Chinniguldoshlar oilasining aksariyat turkumlari haqiqiy lizikarp ko’sakcha hosil qiladi. Lizikarp mevalarga xos xususiyatlardan biri ko’sakcha to’liq ochilmaydi, aksincha uchidagi tishchalari ochiladi. Lizikarp mevalar bir necha urug’chi barglardan tashkil topgan sinkarp (tutash tugunchali meva) urug’ida ko’saklar o’rtasidagi parda yo’qolib hosil bo’lgan bir uyli tuguncha mevalardir. Meva va urug’larning tarqalishi. Meva va urug’lar havo oqimi (anemoxoriya), suv (gidroxoriya), hayvonlar (zooxoriya) va odam (antropoxoriya) vositasida tarqaladi. Lekin ayrim o’simliklar o’z mevasi yoki uruqini uloqtirishga moslashgan (tegmanozik, quturgan bodring). Ayrim o’simliklarning urug’i shu qadar kichkinaki, ular ozgina shamolda ham uzoq uzoqlarga uchib ketadi. Masalan, solabdoshlar va sigirquyruqdoshlar vakillarining 100 dona urug’i atigi bir necha milligramm keladi. Biroz yirik urug’larda esa tarqalish uchun turli vositalar paydo bo’lgan. Tol va terak urug’lari tukchalar bilan o’ralgan bo’lib, urug’ning tarqalishini osonlashtiradi. Qoqidoshlar vakillarida ham shunday tukchalar mavjud. Masalan, qoqida parashyut shaklidagi tuklar urug’ni oson tarqatadi. Qanotchalar qayraqoch, zarang, qayin va boshqa daraxt mevalarida uchraydi. Chinniguldoshlarning qator vakillarida ham qanotchalar mavjud. Suv yordamida odatda suvda o’suvchi o’simliklar urug’lari tarqaladi. Bu guruh vakillarining urug’i suvda uzoq muddat turishga moslashgan. Cho’ldagi ayrim o’simliklar urug’lari pishgach ildizdan uzilib sharga yaqin shaklga kiradi. Shamol bilan uzoq-uzoqlarga dumalab, o’z uruqini tarqatib chiqadi. Sho’ra, yantoq, boyalich kabi cho’l o’simliklari bunga misol bo’ladi. Hayvonlar yoki odam yordamida ham juda ko’p o’simlik urug’lari tarqaladi. Ularning tashqi tuzilishi juda xilma-xil. Ular orasida ham quruq, ham ho’l mevalar mavjud. Quruq mevalarda hayvonlarga yopishib olish uchun turli ilgaklar mavjud (qo’ytikan, qariqiz). Oqparra va kelinsupurgidagi ilgaklar juda baquvvat bo’lib, bir ilashgancha butun boshli meva birdaniga ilashadi. Meva qati syeret bo’lgan juda ko’p o’simliklar urug’ini qushlar tarqatadi. Qushlar iste'mol qilganda, odatda ularni urug’i ajralib qoladi, chunki bunday urug’lar qattiqqobiq bilan qoplangan. O’rmondagi ayrim o’simliklar urug’ini, hatto chumolilar (mirmekoxoriya) tarqatadi. Bularga gunafsha, burmaqora, g’ozpiyoz misol bo’ladi. Meva va urug’lar odam tomonidan ham keng tarqatiladi. Shaftoli, o’rik, tut, mosh, no’xat yurtimizga Xitoydan Buyuk Ipak yo’li orqali keltirilgan. Gultojixo’roz, elodeya, tamaki, kartoshka singari ko’pdan-ko’p o’simliklar Shimoliy Amerikadan keltirilgan. Bugungi kunda O’zbekiston Respublikasi Fanlar akademiyasi Botanika instituti qoshidagi Toshkent Botanika bog’ida 5 mingga yaqin o’simlik turlari iqlimlashtirilib o’stirilayotganini eslatish o’rinlidir. Аsosiy adabiyotlar 1. Rudall P. Anatomy of Flowering Plants (An Introduction to structure and Development) Third Edition. Cambridge. 2007. P. 147 2. Маtkarmova А.А., Махkamov Т.Х., Махmudova М.М., Аzizov Х.Ya., Vaisova G.B. Botanika. – Тоshkent: “Fan va texnologiya”, 2019. 298 b. 3. Pratov O‘., Shamsuvaliyeva L., Sulaymonov E. va bosh. Botanika (morfologiya, anatomiya, sistematika, geobotanika). -Toshkent: “Ta’lim nashriyoti”, 2010. – 288 b. Download 61.11 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling