9-Mavzu. Tashkilotda liderlik strategiyasini ishlab chiqish va tanlash. Reja

9-Mavzu. Tashkilotda liderlik strategiyasini ishlab chiqish va tanlash.
Reja.

0. 
   1.Strategik rejalashtirish tizmining turlari.
   
1. 
   2.Strategiyani amalga oshirishda maqsadlar asosida boshqarish uslubi.
   
2. 
   3.«Korxona yoki firma strategiyasi» kompleks reja hujjat tartibi va tavsifi
   

1. Strategik rejalashtirish tizmining turlari.
Korxonaning tizimini ishlab chiqish turli firmalarda o`ziga xos farqlarga egaki, bu hol bir qator omillarning mavjudligi bilan izohlanadi. Birinchidan, firmani boshqarishning markazlashgan darajasi marketing strategiyasini rejalashtirishda ayrim bo`linmalar mustaqilligi darajasini belgilab beradi. Masalan, mustaqil filiallarga ega bo`lgan yirik xalqaro kompaniyalarga markaziy idora o`z bo`linmalarining faqat joriy qilingan minimumda ortib ketadigan katta mablag` sarflari bilan bog`liq keng miqyosli xarajatlarni rejalashtiradi, xolos.
Boshqarish yanada markazlashtirilgan firmalarda ko`pgina strategik maqsad va dasturlar oliy rahbariyat tomonidan ishlab chiqiladi.
Ikkinchidan, firma rejalashtirish tizimining pishiq - puxtaligi uning bozordagi ahvoliga va faoliyat sohasiga bog`liq. Iste`molchilari, talab strukturasi, raqobat darajasi tayin bo`lgan etuk bozorlarda firmalar asosan qat`iy ifoda etilgan reja tizimidan foydalanadi. Talabning o`zgarib turish darajasi noma`lum bo`lgan bir necha mustaqil segmentlarda faoliyat olib boradigan firmalar tajovuzkor va dadil o`sayotgan raqiblar mavjudligida aksariyat imkoniy xavfli vaziyatlar vujudga kelishi yoki sotish istiqbollari topilishiga qarab ishlab chiqiladigan “maqsadli” yoki reja va stsenariylardan foydalangan holda chaqqon boshqarishga intiladi.
Uchinchidan, rejalashtirish tizimini tashkil etish firmaning mahsulotga nisbatan umumiy strategiyasi bilan belgilanadi. Mahsulot modellari va turlarini tabaqalashtirish va ishlab chiqarish sohalari diversifikatsiyasi strategik rejali echimlarni ishlab chiqishning yanada puxta usullari bilan muqarrar birgalikda qo`llaniladi.
Shunday qilib, rejalashtirish tizimi rasmiy va tadbirkorona, izchil rejalashtirishga bo`linadi. Rejalashtirishning rasmiyatchilik tizimi rejalarni belgilangan rejalashtirish davrlarida qabul qilish, rejalashtirishning daraja va bo`linmalari aniq ajratish, reja harakatlari ketma - ketligiga rioya qilishning qat`iy talablariga asoslanadi. Bunday formal rejalashtirish tizimi uzoq muddatlarda turg`un mezonlar doirasida faoliyat ko`rsatishda ustunlikka ega. Rejani bajarmaslik firma faoliyatidagi kamchiliklarni ko`rsatsa, uni oshirib bajarish - mavjud rezervlardan darak beradi. Ammo, ikkinchi tomondan, bunday tizim bozordagi vaziyat o`zgarishi va firma imkoniyatlarini o`z vaqtida hisobga olishga qodir emas.