Abolitsionistlar

Piktografik yozuv(lotincha-yunoncha – rasmli yozuv) – ma’lumotning umumiy mazmunini rasm orqali yoki rasmlarni ketma-ketligi orqali eslab qolish maqsadida tasvirlash. Bu yozuv neolit davridan beri ma’lum bo’lib, biror bir tilning yozuv vositasi hisoblanmaydi;
Piramida – mahobatli tosh inshoot, fir’avnlar maqbarasi
Pitekantrop – Yava oroli(Indoneziya)dan topilgan eng qadimgi odam suyaklari qoldiqlari;
Plantatsiya xo’jaligi – AQSHning Janubida qullar mehnatiga asoslangan yirik dehqonchilik xo’jaligi;
Plebey – Rimga ko’chib kelganlar va ularning avlodlari;
Polis(yunoncha <>) – Yunonistondagi shahar-davlatlar;
Politsiya(nemischa – ma’muriyat) – jamoat xavfsizligini saqlovchi tashkilot;
Pristan(ruscha – kelib to’xtamoq) – daryolar sohilida qayiqlar, kemalar to’xtaydigan, maxsus jihozlangan joy – bandargoh;
Professional parlament – deputatlari doimiylik asosida ishlaydigan, asosiy vazifasi qonun yaratishdan iborat bo’lgan parlament;
Protektorat(lotincha – homiy, himoyachi) – mustamlaka qaramligi shakllaridan biri. Protektorlik qiluvchi davlat o’ziga qaram davlatga ayrim ishlar bo’yicha mustaqillik beradi. Ichki ishlar bo’yicha maslahatchi yoki rahbar tayinlanadi;
Psixoanaliz – avstriyalik shifokor va ruxshunos olim Z.Freyd tomonidan ilgari surilgan asab kasalliklarini davolash usuli. Freyd ta’limotiga ko’ra insonning psixik hayoti tug’ma, ongsiz mayillarga bog’liq. Insondagi turli ruxiy kechinmalar, amalgam oshmagan istaklar yo’qolib ketmaydi. Ular ong darajasidan chiqib, ongsizlik holatiga o’tadi va insonning ruhiy holatiga faol ta’sir ko’rsatadi. Bu hol asabiylikda namoyon bo’ladi. Uni davolashning asosiy usuli – mayillarni g’ayritabiiy yo’l bilan qondirish yoki ularni boshqa faoliyat sohasiga (masalan, ijod, siyosat, mehnat va hokazo) ko’chirishdir;
Ptax – Qadimgi Misrning poytaxti Memfisning xudosi (Qadimgi Misr);