Adliya vazirligi qoshidagi "adolat" milliy huquqiy axborot markazi

JINOYAT PROTSESSINING ISHTIROKCHISI 
BO‘LGAN BOLA HUQUQLARI
Agarda bola gumonlanuvchi, jabrlanuvchi sifatida sud jarayoni 
ishtirokchisi bo‘lsa uning har bir huquqi ta’minlanishini davlat o‘z 
kafilligiga oladi.
Bolalardan ko‘rsatmalar olish uchun ularni qo‘rqitish, qiynash, 
ko‘rsatma berishga majburlash kabi holatlar taqiqlanadi.
Voyaga yetmagan shaxs jinoyat protsessida ishtirok etayotgan 
bo‘lsa, albatta, bola huquqlarini himoya qilish uchun advokatlar 
qatnashishi shart.

---

10
BOLANING OILAVIY MUHITGA BO‘LGAN 
HUQUQI
Har bir bola oilada yashash va tarbiyalanish, o‘z ota-onasini 
bilish, ular bilan birga yashash va ularning g‘amxo‘rligidan 
foydalanish huquqiga ega. 
Bolaning ota-onasi bo‘lmagan taqdirda ham vasiylik va homiylik 
organi tomonidan bolaning oilada yashash va tarbiyalanish huquqi 
ta’minlanishi lozim.
Bola otasi, onasi, bobosi, buvisi, aka-ukalari, opa-singillari va 
boshqa qarindoshlari bilan ko‘rishish huquqiga ega. Ota-onasining 
nikohdan ajralishi, nikohning haqiqiy emas deb topilishi yoki ota-
onaning boshqa-boshqa yashashi bolaning huquqlariga ta’sir qilmaydi.
AXBOROT OLISH HUQUQI KAFOLATLARI
Har biringiz sog‘lig‘ingiz, axloqiy va ma’naviy kamol 
topishingizga ziyon yetkazmaydigan axborotni olish huquqiga 
egasiz.
Faqat hech bir axborot salomatligingizga, axloqingizga salbiy 
ta’sir o‘tkazmasligi kerak!

---

11
III. BOLANING MEHNAT 
QILISH HUQUQI
Har bir bola o‘zining yoshi, sog‘lig‘ining holati va kasbiy 
tayyorgarligiga muvofiq qonun hujjatlarida belgilangan tartibda 
mehnat qilish, faoliyat turini va kasbni erkin tanlash, adolatli mehnat 
sharoitlarida ishlash huquqiga ega.
Ishga qabul qilishga 16 yoshdan yo‘l qo‘yiladi.
Bolalarni mehnatga tayyorlash uchun umumta’lim maktablari, 
o‘rta maxsus, kasb-hunar o‘quv yurtlarining o‘quvchilarini ularning 
sog‘lig‘iga hamda ma’naviy va axloqiy kamol topishiga ziyon 
yetkazmaydigan, ta’lim olish jarayonini buzmaydigan yengil ishni 
o‘qishdan bo‘sh vaqtida bajarishi uchun — ular 15 yoshga to‘lganidan 
keyin ota-onasidan birining yoki ota-onasining o‘rnini bosuvchi 
shaxslardan birining yozma roziligi bilan ishga qabul qilishga yo‘l 
qo‘yiladi.