Adliya vazirligi qoshidagi "adolat" milliy huquqiy axborot markazi

I. BOLA VA O‘QUVCHI

---

5
Bolajonlar, sizlarning barchangizning ismingiz bor. Chunki bola 
ism, ota ismi va familiya olish huquqiga ega.
Bolaga ism ota-onaning kelishuviga binoan, ota ismi — otasining 
ismiga ko‘ra beriladi.
Bolaning familiyasi ota-onaning familiyasiga qarab belgilanadi. 
Ota-ona turli familiyalarda bo‘lganda ota-onaning kelishuviga binoan 
bolaga otasining yoki onasining familiyasi beriladi. Ota-onaning 
xohishiga ko‘ra, bolaga ota yoki ona tomonidan milliy an’analarga ko‘ra 
boboning ismi bo‘yicha familiya berilishi mumkin. Ota-ona o‘rtasida 
bolaning ismi va (yoki) familiyasi bo‘yicha kelishuv bo‘lmaganda, 
kelib chiqqan nizo vasiylik va homiylik organi tomonidan hal etiladi.
Shuni unutmaslik lozimki, Fuqarolik holati dalolatnomalarini 
qayd etish organi ota-onaning birgalikdagi arizasiga binoan bola o‘n 
olti yoshga to‘lguncha bola manfaatlarini e’tiborga olib, uning ismini 
o‘zgartirishga, shuningdek, unga berilgan familiyani ham otasi yoki 
onasining familiyasiga qarab o‘zgartirishga haqlidir.
II. BOLA HUQUQLARI
ISM — INSON HUSNI

---

6
Bolalar, sizlar o‘z shaxsiy mulkingizga ega bo‘lishingiz va undan 
o‘zingizning xohishingizga ko‘ra foydalanishingiz mumkin.
Quyidagilar:
— bolaning shaxsiy foydalanishida bo‘lgan;
— bola tomonidan hadya, meros tariqasida olingan;
— shaxsiy mehnati evaziga yoki boshqa qonuniy usulda olingan 
buyumlar va mol-mulklar bolaning xususiy mulki hisoblanadi.
Bolalarning tadbirkorlik faoliyatiga qo‘shgan mablag‘i va undan 
orttirgan daromadi, agar bola bilan ota-ona yoki oilaning boshqa 
a’zolari o‘rtasida boshqacha tartibni belgilovchi shartnoma bo‘lmasa, 
bolalarning xususiy mulki hisoblanadi.
Bolalarning shaxsiy foydalanishidagi buyumlari (kiyim-kechak, 
poyabzal, ishlab chiqarish qurollari, o‘quv anjomlari va boshqalar) 
ularning xususiy mulki hisoblanadi.
Ota-ona hayotligida bolalar ularning mol-mulkiga nisbatan mulkdor 
bo‘lish huquqiga ega emas.