Адренорецепторларды блоклаўшы затлар

Тәсир механизми: постсинаптик α₁- адренорецепторларды блоклап, артерия қан тамырларының тонусын төменлетеди. Кемирек дәрежеде вена қан тамырларының тонусын түсиреди ҳәм жүрекке келетуғын қанның көлемин төменлетип, жүректиң жумысын жеңиллестиреди. Жүректиң урыў жийилигине онша өзгермейди (азмаз тахикардия бериуи мүмкин).
Фармакокинетикасы: Ишиўге берилгенде эффекти жақсы. Тәсири 30-60 минуттан басланады, 6-8 саат даўам етеди.
Қолланылыўы: гипертония кеселлигинде ишиўге бериледи.

Таңлап постсинаптик α1- адренорецептор-лардың блокаторы – Тамсулозин, теразозин, альфузозинге тән болған тәсирлер.

α1-адреноблокаторлар Тамсулозин, теразозин, альфузозин простата безиниң қәўипли емес гиперплазиясында қолланылады. Тамсулозин простата безиниң α1а- адренорецепторларына таңлап тәсир көрсетеди. Басқа α1- адреноблокаторлардан парқы системалы гемодинамикаға тәсир етпейди. α1- адренорецепторлардың ҳәр-қыйлы түрлери бар: α1А, α1В, α1Д,- адренорецепторлар. α1А-адренорецепторлар тийкарынан простата безиниң тегис булшық етлериниң қысқарыўын, ал α1В- қан тамырлардың тегис булшық етлериниң қысқарыўын басқарыўда қатнасады. Простата безиндеги барлық α1-адренорецепторлардан α1А-адренорецепторлар 70% қурайды. Тамсулозиниң α1В-адренорецепторларға қарағанда α1А-рецепторларына сезиўшеңлиги 7-38 есе жоқары болады. α1А-адренорецепторларының блокланыўы простата безиниң тегис булшық етлериниң тонусын, қуўықтың мойнының ҳәм уретранын простата бөлиминин тонусын төменлетеди. Бул болса сидик ағыўының тезлигин ҳәм қуўықтан сидиктиң шығыўын асырады. Тамсулозинди күнине 1-рет қабыл етеди. Толық сорылады. Баўырда метаболизмге ушырайды. Препарат ҳәм метаболитлери бүйрек арқалы шығады (тек 10% өзгермеген ҳалда). t2/1=12-19 саат. Кери тәсирлери: бас айланыў, эякуляцияның бузылыўы, бас аўрыў, жүректиң тез урыўы.