Agrobiotexnologiya fanidan laboratoriya ishlarini bajarish uchun

Avtoklavda bug‘ bosimi bilan sterillash tamom bo‘lgandan so‘ng uning 
qopqog‘ini birdan ochish xatarlidir. Avtoklav sovib, manometr strelkasi nolga 
tushgach, qolgan bug‘ni chiqarib yuborish uchun jo‘mrak ochiladi. Shundan 
keyingina avtoklav qopqog‘i ochilib, ichidagi sterillangan material olinadi. 
Tindallash. Tindallash usulida materiallarni Kox apparatida va avtoklavda 
sterillanadi. Qatorasiga uch kun, kuniga bir marta 30 daqiqadan Kox apparatida 70-
100ºС hароратда qizdirish mumkin. Birinchi marta 100ºС gacha qizdirilgandan keyin 
o‘lmay tirik qolgan sporalar keyingi 24 soat ichida unib, tayoqchalarga aylanadi, 
tayoqchalar esa shu davrda yana spora hosil qilib ulgurmaydi. Shuning uchun, birinchi 
qizdirishdan 24 soat o‘tgach, ikkinchi marta 100ºС gacha qizdirilsa sporalardan hosil 
bo‘lgan tayoqchalar o‘ladi. Dastlabki qizdirish bilan ikkinchi marta qizdirish orasida 
o‘tadigan vaqt ichida qanday bo‘lmasin spora tayoqchaga aylanib ulgurgan bo‘lishi 
ehtimol deb uchinchi marta 100ºС gacha qizdiriladi. 
9.1-rasm
 Vertikal avtoklav
9.2-rasm
 Gorizontal avtoklav

---

 
9.5-rasm Bakteritsid lampa 
 
9.6-rasm Laminar boks 
Avtoklavda 120-130ºС haroratda bosim bilan 30 daqiqa davomida 
sterillanadi. Bu haroratda mikroblarning hammasi ya’ni sporali va sporasiz 
mikroblar ham nobud bo‘ladi. 
Pasterizatsiyalash.
Pasterizatsiyalash materialni bir marta 70-100ºС issiq 
haroratda 10-30 daqiqa qizdirib olishdir. Bunda sporasiz mikroorganizmlar o‘ladi, 
sporali mikroorganizmlar esa tirik qolaveradi. Pasterizatsiyalash uchun Kox apparatidan 
foydalaniladi. 
Ultrabinafsha nurlar bilan sterillash. 
Bu usul 260-300 mkm to‘lqin uzunligidagi 
ultrabinafsha nurlarining (UB) mikroorganizmlarni o‘ldirish xususiyatiga asoslangan. 
Bokslardagi, mikroorganizmlarning o‘stirishga mo‘ljallangan xonalardagi havoni 
sterillash uchun turli quvvatdagi maxsus mikroorganizmlarni o‘ldiruvchi (bakteritsid) 
lampalar qo‘llaniladi.