Aholining turmush darajasi va farovonligi

Mavzuning dolzarbligi. Mehnat bozori tushunchasini tubdan o’rganish juda kata ahamiyatga ega hisoblanib ish bilan bandlikni tartibga solishda faol rol o’ynaydi. Bozor munosabatlarining rivojlanishi mos ravishda ijtimoiy mehnat sohasidagi munosabatlarning rivojlanishini ham taqozo qiladi. Bu esa, ish bilan bandlik oshirish va uning tarkibiy tuzilishini takomillashtirishni zarurat etadi. Shu nuqtai nazardan Prezidentimiz SH.M.Mirziyoyev ta’kidlaganidek: “Yangi ish o‘rinlari tashkil etish va mamlakatimiz aholisi bandligini ta’minlash 2023-yil va undan keyingi yillarga mo‘ljallangan maqsadli vazifalarni hal qilishning eng muhim ustuvor yo‘nalishi bo‘lib qoladi”.
Erishilgan yutuqlarga qarmasdan, ishsizlikni kamaytirish uchun yangi ish joylarni, ayniqsa qishloq hududlarida yaratish respublikaning ustuvor vazifalaridan biri. Tadqiqotlar natijasidan ma’lumki, demografik hususiyatlar sababli yangi asr boshida O’zbekistonda mehnatga layoqatli yoshdagi aholi soni keskin o’sib bormoqda va bu o’sish doimiy aholi soni o’sishidan yuqoriroq. Shuning uchun, umumiy aholi sonida mehnat resurslari ulushining o’sishi kuzatilmoqda. Mehnat bozoriga har yil yangi ish kuchlari chiqishi, iqtisodiyotning qayta tashkil etilishi va ba’zi sohalardan ish kuchi bo’shashi (asosan agrar qismidan) va ish beruvchilarning kasbiy va malakaviy talablariga ish kuchi javob bermasligi sababli mehnat bozorida ish kuchi taklifi unga bo’lgan talabdan kattaroq. Bundan tashqari, O’zbekiston mehnat bozori hozirgi kunda ulg’ayib rivojlanmoqda va uni tartibga solish uchun ish bilan bandlik tarkibi dinamikasi va omillarini, ayrim viloyatlardagi milliy ijtimoiy-mehnat munosabatlarnining maxsus xususiyatlarini inobatga olgan holda o’rganish zarur.
Ushbu mintaqaviy rivojlanish dasturlarida viloyatlarning moddiy, mehnat va tabiiy resurslaridan majmuali va samarali foydalanish asosida mehnatga layoqatli aholi ish bilan bandligi tizimini takomillashtirish ko’zda tutilgan. Ish bilan bandlik darajasini oshirish bilan birga aholi farovonligi keskin oshishiga erishish shart. Agar tarixga nazar tashlasak, iqtisodiy rivojlangan mamlakatlar aholisi ish bilan bandligining tarkibi davlat olib borgan monetar va soliq siyosatlari natijasida o’zgarib, hozirgi kunda muqobil ko’rinishga kelgan. Nazariy tarzda bu ilmiy masala g’arb olimlari tomonidan aholi sonidan kelib chiqib o’rganilgan, ammo O’zbekistonda bu muammoning nazariy va amaliy jihatlari hali yetarli darajada o’rganib chiqilmagan. Bundan kelib chiqib, aytish mumkinki, iqtisodiyotni modernizasiyalash sharoitida mehnat bozorini tartibga solishning ijtimoiy-iqtisodiy asoslarini tadqiq etish dolzarb ilmiy muammodir.