ҲАҚИҚий тиббиёт (Йўқотилган шифо изидан) Нашрга тайёрлаган: Хадича Мисга Нашриёт

ЗУЛУК БИЛАН ДАВОЛАШ

“Дориларнинг ҳайрлиси бурунга тортилган ва оғизга олинган дорилар, бўшаштирувчи дори, xожамот ва зулук ёрдамида қон олдиришдир”
(Ҳадис)
Дарё, кўл ва ирмоқларда яшаган, Аллоҳ тарафидан инсон ва ҳайвонларнинг томирларини тозалаш вазифаси берилган зулуклар азалдан шифо учун қўлланилади. Зулук инсон ва ҳайвонларга ниш уриб, томирлардаги тиқилмаларни очадиган, қуюқ қонни оқувчи қиладиган 105 хил фермент ишлаб чиқаради. Сўнгра вужуднинг энг чуқур қатламларидан энг ифлос қонларини сўрадилар.
Зулуклар эски яраларда, эгзема, қичима, садаф (псориаз), пес (витилиго), замбуруғ, сарамас туфайли юз берган тери касалликларида қўлланилиши мумкин. Жарроҳлик амалиётидан кейин қолган яраларга, чирикларга, кўкарган жойларга, сепкилларга ҳам қўйилиши мумкин.
Веналарнинг кенгайиши (варикоз) ва бавосил (геморрой) каби, томирлардаги тиқилмаларни ва қон айланиш бузуқликларидан пайдо бўлган ҳар ҳолатда; тироид, гипофиз, мояк, эркаклик бези, простата, бачадон, юрак, жигар, талоқ, ўпка, кўз ва қулоқ хасталикларининг; мултипл склероз, алзгеймер, фалажлик (паркинсон), чурра (грижа), ҳароратли шишлар, чипқон, гангрена каби хасталикларни даволашда қўлланилади. Зулук юз, кўз, бош, бўйин, елка, бел, орқа, бачадон оғзи, думғазага ва ҳар аъзога қўйилиши мумкин.
Кўз жароҳатидан кейин орттирилган кўз қон босими, кўз томирларининг қонаши, кўзёши каналининг тиқилиб қолиши, говмичча, бошланғич катаратка (кўз гавҳарининг хиралашиши, парда тортиши) учун кўзга яқин жойларга, мисол учун, кўзнинг ташқи ва ички бурчагига, пастки ва устки қовоқларига, чаккалар остига ва чаккаларга;
Мияда томир тиқилмалари ва қон айланиш бузуқлиги, тутқаноқ (эпилепсия), мултипл склероз(MS), алзгеймер, паркинсон ва устки тиш милиги хасталиклари учун устки тиш милкларига, бош орқасига (энгсага), бурун ичига,икки чаккага, қулоқлар орқасига, бўйинга ва жағнинг пастки қисмига;
Тутқаноқ (эпилепсия) хасталиги, оғиз ва тил яралари учун бурун ва оғиз ичига, тил остига ва тилга;
Бачадон, тухумдон, тестис ва простата касалликларида пастки тиш милкларига, қориннинг пастки қисмларига, анусга, анус билан жинсий аъзо орасига, моякка, ҳатто бачадон оғзига;
Жигар ва талоқ хасталикларида курак суякларининг орасига, курак суякларининг пастки қисмига, кўкракларнинг пастига ва оёқларга; Бел ва бўйин чуррасида (грижасида) чурра жойига зулук қўйилади.
Тироид бези хасталикларида тироид устига зулук қўйилади.
Зулук қўлланиши учун энг яхши мавсум - баҳор, иккинчиси - куз.
Энг яхши зулуклар кичик, қора ранг, жигарранг, тупроқ рангли, нозик, каламуш қуйруғига ўхшаган ва боши кичик бўлади. Улар суви тоза, усти яшил ўтлар билан қопланган, қурбақаси кўп кўллардан тўпланган ва ҳовузда етиштирилган зулуклардир. Яшил, мовий, қора ва катта бошли, қорни қизил ва сирти яшил бўлган зулукларни; чириган, қурбақа яшамайдиган ва тез оққан сувларда яшаган зулукларни қўллаб бўлмайди. Бундай зулукларнинг қўлланиши ортиқча қонашларга, яраларга ва шишларга сабаб бўлиши мумкин.
Зулуклар кўллардан тўпланса, қўлланишдан 1-2 кун аввал тўпланади, қуйруғидан ушлаб, бошларини пастга қаратиб, қустирилади, сўнгра сувга ботирилиб ювилади, ярмигача сув билан тўлдирилган банкага жойлаштирилади ва қўлланиш вақтига қадар (2-3 кун) кутилади. Зулук қўйишдан аввал баданнинг керакли жойлари илиқ сув билан ювилади ва қуритилгандан сўнг қуруқ мочалка билан массаж қилинади.
Сўнгра зулуклар мато парчаси билан олинади ва тайёрланган жойларга қўйилади. Зулуклар энг муҳим нуқталарни ўзлари топадилар ва вужуднинг энг ифлос қонини эмадилар, тўйгандан сўнг тушадилар. Қўйилган жойидан узоқ муддат тушмаган зулуклар устига бир оз сув, туз сепилади. Зулуклар тушгандан сўнг қонашни бир муддат кўп давом эттириб, янада кўпроқ чиқинди моддаларни чиқариш ва ярани тозалаш учун зулуклар чаққан нуқталар устига банка қўйилади. Шилимшиқсимон оқинди, газ ва тиқилмалар кўп бўлса, булар тугагунча бир неча маротаба банка қўйиш лозим.
Қонашни 6-12 соат тўхтатмаслик керак. Чунки ташқарига фақат кирли қон чиқади, вужудда тоза қонни ташқарига чиқарувчи бир механизм йўқ.
Сўнгра қонаётган жой қуруқ, тоза бир латта билан ёпилади. Қонаш яна давом этса, зарурат туғилса, анор пўсти ёқилиб, унинг кули ёки янчилган пўсти сепилади ва боғланади.
Машҳур табибларга кўра, бундай ҳолатларда эснаш, ошқозон айниши ва ҳушдан кетиш ҳисси пайдо бўлгунча кутиш – энг яхши ечимдир. Бу ҳолат қон ҳажмининг 20 фоизидан кўпи йўқотилгунча кўрилади. Қон йўқотилганда илк таҳлика - қон ҳажмининг 30 фоизидан кўпи (тахминан 1,5 литрдан ортиқ қон) йўқотилгандан кейин пайдо бўлади.
Аммо иммунитет тизимининг ишга тушиши натижасида, бу xавф туғилишдан олдин одам табиий равишда ҳушидан кетади. Ҳушидан кетганда юрак уришлари секинлашади, қон босими тушади, қонаш ўзўзидан тўхтайди.
Шу кунгача зулук билан даволашда қонашдан ҳушини йўқотган бир одамни мен учратмадим.
Зулук давосида зулук сони, қўллаш тезлиги ва қонаш муддати беморнинг қон ҳолатига кўра тартибга солинади.
Зулукларни сақлаганда ҳар кун ёки икки кунда бир сувини алмаштириш, қўлланилган зулукларни кўл ёки тоза оқар сувга ташлаш лозим.
Зулуклар 3-6 ойда бир марта озиқланадилар. Улар эмиб олинган қон микробли бўлса ҳам, микробни ҳазм қилиб юборишади. Шу сабабдан, улар микробли касаллик ташимайдилар.