Ajiniyoz nomidagi nukus davlat pedagogika instituti

«Shahboz va Bulbul» 

Kunlarning birida, bahor ayyomida, Bulbul bilan Shohboz munozara bashlabdi. 

Bulbul kelishgan husni va Xushxonligini pesh qilib Shohbozga maqtanibdi 

uning «Jahl asor»ligi «badjamol» va «badmaqol»ligidan kulibdi: 

Bir chamane sahnida fasli bahor, 

Boz ila Bul edilar so`z guvor. 

Bozga Bulbul dedi, ey jahlasar, 

Senda qani savtu navodin xabar? 

Qushlar aro son kabi bir badmaqol, 

Mumkin emas bo`lmog`i, ey badjamol 

Manman o`shum Bulbuli go`yoxvash 

Nag`mam erur el aro dovudavash. 

Bulbulning  tapqididan  «Savtu  navo»dan  xabardor  bo`lish,  shirin  so`zli 

bo`lish  kerak,  degan  xulosa  chiqadiki,  bu  tarbiyaviy  ahamiyatga  egadir.  Lekin 

Bulbulning  ham  kamchiliklaridan  ko`z  yummaslik  kerak.  Masalan  u  Shihbozni 

tanqid qilar ekan, o`z fazilatlaridan mag`rurlanadi, «manman»likka beriladi. Garchi 

Bulbilning  so`zlari  Shahbozga  og`ir  botsa  ham,  u  Bulbulga  shoir  tilidan  «izzat 

tilasang, bekordan bekorga vaysama, yuz ish qilganingda, birini ayt xudbinlarning 

iqboli past bo`ladi», deb g`oyat oqilona javob qaytaradi: 

Boz dedi onga ki: xomush bo`l, 

Bo`lma til izzat tilasang go`sh bo`l, 

 

65 

Angla yaqinki, mangadur yoz qish, 

Yuzni qilib birni demaslik ravish 

Har kishi xudbin esayu xudparast, 

Sen kibi iqboli netong bo`lsa past. 

Manzili maqsad tilasang soda bo`l. 

Joda kibi sar basar aftoda bo`l. 

Har kishi xudbinu ya`mo erur, 

Chunki ko`zi xokaro ma`vo erur... 

«Shohzod va Bulbul» masali hech narsani pisand etmay, Husn ustiga qo`shin 

tortib borayotgan Aqlshohning mag`rurligini fosh etish uchun keltirilgan. 

«Gul va Daf» 

Doston personajlaridan Mehri dilovar to`y qatnashchilarini «Gulzori bahor»ga 

taklif qilar ekan: 

Har ne ki, ul bazmg`a darkor edi, 

G`ayri talab barchasi tayyor edi- 

deb,  u  erda  ilm  eli  she`r  bilan  badeha  aytayotganini,  nuktadonlar  ma`nolar 

dengizida suzayotganini, soz ahli nag`malar ko`ylayotganini bayon qiladi. Shu payt 

Gulga ko`zi tushib qolgan Daf (childirma) unga qarab: 

Garchi qadim g`am yukidin dal erur, 

Shakl mango aqsonul ashkol erur... deydi. 

Gul unga javob qaytaradi: 

Garchi seni qo`lga ko`tardi gado, 

Bo`ldi navo istobon ul benavo. 

Lek meni boshi o`za shohlar 

Qo`ydilar ul mohi falaktohlar... 

Ko`ramizki,  bu  masalda  Dafni  qo`liga  olib,  navo  istovchilarning  benavo 

bo`lib  qolganligiga,  binobarin  shoir  yashab  ijod  etgan  davrda  san`at  ahllarining 

kamol topishi uchun hech qanday sharoit bo`lmaganiga ishora qilinadi. 

«Nay va Shamshod» 

Shu to`yda Shamshod daraxtining savlat bilan gardoyib turishini ko`rgan Nay 

gapga aralashib: Sen havoyi, xudbin va mag`rursan. Oyoqlaring loy ichida 

bo`lsa ham, ammo dimog`ing ko`kka ko`tarilgan. Bahor kela bersa, g`ururlanib, 

yanada balandroq ko`tarilasan. Ammo shuni ham bilib qo`yki, xazon eli bir kun 

seni xarob qilib qo`yadi,-deydi: 

Otingni Shamshod etibon shohsan, 

Noxli barumandi erga band... 

Asling erur bandi baloyu havo, 

Sen kibi yo`q dahr aro bir xudnamo. 

Loy arodur band oyog`ing sening, 

Baski etar ko`kka dimog`ing sening. 

Faxri bahor ila ko`p o`lma baland. 

Bodi xazon qilg`usi bir kun najand. 

Shundan keyin Nai o`z shakli va sifatlari haqida gapirib, bunday deydi:  

Manman o`shal tutish shakkar nosib, 

 

66 

Bardam erur nola chog`i andalib, 

Mehr kibi ich bila tashim yorug`, 

Charx kibi ko`z bila kunglum ochuq 

Dudi damim she`lardir ul bod emas, 

Pesha mango behuda fard emas. 

Shamshod  esa  uni  «ikki  boshli  o`lik  ilon»ga  o`xshatadi  va  o`z  soyasini 

maqtab, undan shohu gado bahramand bo`lishini aytadi: 

Etsang haqiqatda o`zingga nazar, 

Zoting erur murdai mori dusar, 

Soya mango o`yla saodat ishor, 

Qo`ysa humo bo`lg`usidir tojdor. 

Manman o`shal sohibi bargu navo, 

Mandin olur bahrani shohu gado 

Demak,  Nishotiy  Nay  va  Shamshidning  foydali  tamonlarini  qayd  etib, 

ularning  maqtanchoqliklarini  qoramaydi  va  bir-birini  pisand  qilmaslik  jamiyatda 

yomon  ish  ekanligini  uqtirib  o`tadi.  Shoir,  birovlarni  nazar-pisand  qilmay 

dimog`ini  ko`tarib  yuruvchilar  bir  kun  xazon  eli  bilan  yaksan  bo`lurlar,  deb 

«qissadan hissa» chiqaradi. Shoir ichki dunyosi ham, tashqi ko`rinishi ham, «mehr 

kibi» (quyosh kabi) yorug` kishilarni ulug`laydi. 

«Kosai  Chin  va  Nargis»  G`amzaning  «Ravzai  jannat  obod»idagi  suhbatda 

Kosa  bilan  Nargis  munozarasi  beriladi.  Suhbatda  qo`ldan-qo`lga  o`tib  yurgan 

Kosaning ko`zi hech kimni pisand qilmay gerdayib o`tirgan Nargisga tushadi: 

Kosai Chin. Nargisa soldi nazar, 

Didam ma`qul ila ul bebasar, 

Bori takabburdin edi sargaron, 

Ilmas edi ko`ziga yaxshi-yomon. 

Bu  misolda  Nishotiy  Kosa  va  Nargis  obrazlari  orqali  jamiyatdagi  «Naqshi 

habdin  asar»i  bo`lmagan  nodonlarga  kecha-kunduz  fikru  xayoli  «simu  zar» 

(kumush,  oltin)  to`plash  bilan  band  bo`lgan  «surat  eliga  tana  qilib,  «ma`ni  eli»ga 

xayrixlhlik bildiradi. 

«Binafsha  va  Chang».  Gesu  to`y  qatnashchilarini  o`z  binafsha-zoriga  olib 

chiqadi.  Binafsha  to`shilgan  bu  joyda  kishilar  ham  binafsha  libosida  namoyon 

bo`ldilar.  Hamma  mast  bo`lib,  yiqilib  qolganida,  qora  kiyimli,  boshini  quyi  salib 

o`tirgan Binafsha ular o`rtasida shayxga o`xshab ko`rinadi: 

Boshi quyi erdi, libosi qaro, 

Shayx edi bu rasm ila ul el aro. 

Binafshani bu ahvolda ko`rgan Chang unga qarab: 

Fikr sango tibro libosing qaro, 

Xona sango toru palosing qaro. 

Pesha sango bo`ldi siyahkorliq, 

Din yo`lidin ish sango bezorliq. 

Loyiq emas bo`lmog`ing ushshoq aro, 

Vah na dedim bal bu kuhan toq aro- 

deb, o`zini maqtaydi: 

Ko`k mani kim, foyiqi ofoqman, 

 

67 

Sarvari sardaftari ushshoq man. 

Binafsha esa unga javoban: 

Majlis aro sen kibi g`amgin qani? 

Maherili zoting aro tamkin qani? 

Tabiy maqomat ila ko`p urma dam, 

Ko`z sanga ko`r o`ldi dag`i shal qadam, 

Kaj bo`yinu, kal boshu badmo`ysan, 

Egri qulu, ham qodu badxo`y san. 

Ishq suzi birla ko`p etma g`ulo``, 

Loyiq emastur sango bu guftu bu guftugo`... 

Deydi va u ham o`zini maqtashga kirishadi. 

Bil mani attori gulistoni ishq, 

Mendin olur bo`yni gulistona ishq. 

Gulning erur rangi bila bag`ri suv, 

Mandin erur er bila ko`p mushkbo`. 

Bildim ani dahr vafosiq emish, 

Umr degan usru baqosiz emish. 

Oning uchun bo`ldi libosim qaro, 

O`ldumu ham tutdum o`zumga azo. 

Ushbu o`limdurki, muabbad hayot, 

Derlar ani yo`qturur onga mamot. 

Bu so`zlar Changni hozin bir holatga soladi: 

Changi hozin etdi bu ohangni go`sh, 

Boshi quyi soldiyu bo`ldi xalmo`sh. 

Bu  misolda  ham  shoir  Binafsha  va  Chang  singari  allegorik  timsollar  orqali 

o`z  zamonasining  nojo`ya:  xatti-harkatlari  ustidan  kuladi,  «Dil  yo`lidin  ish  sango 

bezorliq» kabi misralar bilan mutaastblarning bezoriligini ochib tashlaydi. 

Dostonning  tili  «Husnu  Dil»  dostonining  tili  asosan  va  badiiy  vositalari. 

Mumtoz  nasriy  nazm  uslubi  bilan  uzviy  bog`langandir.  «Nahri  hayot»,  «Ayni 

sadoqat  chashmasi»  kabi  ta`birlar  Navoiyning  «Farhod  va  Shirin»  dostonidagi 

iboralarga, «g`ulg`ula», «valvala» kabi so`zlar esa «Saddi Iskandariy» dostonidagi 

so`zlarga hamohangdir. Chunonchi: 

Chekti kelib na`rom purg`ulg`ula, 

To`ldi falak dashti aro valvala. 

Shuningdek, Nishotiy dostonidagi: 

Har na yomon bor esa ondin yomon, 

Bor edi holim mening ey nuktadan- 

kabi  misralarning  tuzilishi  va  lug`aviy  tuzilishida  Navoiyning  «Hayrat-ul-

abror» dostonida shayxlar haqida bitilgan: 

Bu el erur barcha yomondin yomon, 

Har ne yo`q, ondin yomon, ondin yomon- 

baytlarining ta`siri yaqqol ko`rinadi. 

Nishotiy  leksikonida  Fuzuliy  she`riyatining  barakali  ta`sirini  ham  ko`rish 

mumkin.  Chunonchi  dostonda  tushum  kelishigi  qo`shimchasi  (-ni)-i  shaklida 

 

68 

(Kelturung  Aqli  dedi  kishvarsiton),  qaratqich  kelishigi  qo`shimchasi  (-ning)-ing 

shaklida (Qomating og`ushig`a qildi nigoh) qo`llanilgan. 

Dostonning tilida Xorazm shevasiga xls elementlar bor:  

Xush dedimu amrig`a qildim shuru`, 

So`z qopusi sorig`a ettim rujo``... 

Shuningdek, dostonda Buxoro shevasiga xos va iboralar ham tez-tez uchrab 

turadi.  (bu-dostonning  Buxoroda  yozilganidan  bo`lsa  kerak).  Masalan,  feodal 

o`tmishda  yomon  xulqli  kishilarga,  zolim  hukmdorlarga  o`lim  tilanar  ekan, 

ularning kiyimi, savlati yurish-turishga kinoya qilib, «margi nov muborak» (yangi 

o`lim  muborak)  deyilar  ekan.  Shaxriyori  Ishqning  elchisi  G`ampahlavon 

Aqlshohning  oldiga  borib,  u  bilan  so`zlashganida  gap  orasida  shu  tojikcha 

qochirimni qistirib o`tadi: 

Shohg`a duo der chog`i eltib garav, 

Dedi: «Muborak sango bu margi nav». 

Doston  mumtoz  epik  nazmining  masnaviy  shaklida,  aruzning  «Havshri 

musaddasi  mahbuni  mahzuf»  bahrida  yaratilgan  bo`lib,  7092  bayt  (15584 

misra)dan  iborat.  Ayrim  boblardagi  tavsiflar  esa  qofiyalangan  musajja`i  Sharq 

nasri  uslubida  yozilgan.  Masalan,  Himmati  sipohdor,  sabri  falok  iqtidor,  g`ayrati 

salor...  Diyori  Saksorga...  Fuodi  giriftorga»  bordilar...-«Husni  dilnavoz, 

Vafobonum Sohib e`zoz va Nozi Tannovoz, G`amzai g`ammoz, Gesui fusunsoz va 

Mahliqon  oinapardoz  va  Mahtakallumi  sehrparvoz  va  Mehrbonui  boso`zu  gudoz, 

Qamatsardori  balandparvoz,  Sarvi  Sarafroz,  ya`ni  Fuodi  sohibniyoz...»  xizmatga 

tayyor edilar. 

Nishotiy  she`riy  satrlarning  mumkin  qadar  soddi,  ma`noli,  ravon  va obrazli 

bo`lishi  uchun  harakat  qilgan;  asarning  estetik  ta`sir  kuchini  oshirish  maqsadida 

xilma-xil  badiiy  usullarni  ishga  solgan.  Dostondagi  bayt  va  misralarda  o`xshatish 

istiora,  kinoya,  mubolag`a,  sifatlash,  majoz,  qarama-qarshi  ho`yish  kabi  usullarni 

juda  ko`p  uchratish  mumkin.  Bu  badiiy  usullar  vohiy  manzaralarni  yorqin 

ifodalashiga  yordam  beradi.  Masalan,  Nazarning  suvsiz  sahroda  kezib  holdan 

toshish  quruqlikka  tashlangan  baliq  talvasasiga  o`xshatilib  mubolag`a  bilan 

quyidagicha bo`rttirilgan: 

Tolpinibon o`ylaki suvsiz baliq, 

Jon yo`q edi anga bugun tongloliq. 

Ishqning lashkari bilan Aqlning Novkorlari o`rtasidagi jang tasvirida: «Sher 

ham  bu  talashlardan  qo`rqib,  hatto  qornidagi  bolasini  tashlab  yubordi»,  deb 

mubolag`a qilingan. 

Bo`ldi ayon turfa hatali kabir, 

Qo`rqusidin tashladi hamlini sher. 

Tubandagi  misralar  It  bilan  Ohu,  zog`  bilan  Bulbul,  Shohd  bilan  Og`u 

kabilarni qarama-qarshi qo`yish (tazod) yo`li bilan bitilgan bo`lib, ular Fuod bilan 

Foruqa o`rtasidagi voqeani yoritishga qaratilgandir: 

It bilan Ohu bo`libon hamnafas, 

Zog` bila Bulbulg`a bir o`ldi qafas. 

Shahd ila Og`u topibon imtizoj, 

Ishq ila ishrotg`a bor erdi rivoj. 

 

69 

Inkor  ma`nosini  ta`kidlovchi  na  bog`lovchisi  bir  necha  marta  qaytarilgan 

satrlarda takror usuli qo`llangan: 

Onda na zovu, nu hozuru na nur... 

Onda na ilmu, na amal, na yaqin. 

Quyidagi misralarda birin-ketin fikrni kuchaytiruvchi sifatlashlar beriladi: 

Oti aning Vahmi balojo` edi, 

Bad dilu baddin edi, badgo` edi. 

Dostonda xalq ertaklariga xos bo`lgan muqaddima ham ko`zga tashlanadi. 

Bor edi Yunonda birov podsho, 

Erdi jahon shohi anga xokiroh. 

Dostonda  xalqning  hikmatli  so`zlari  va  iboralarini  keng  qo`llash-asar  tilini 

ommabop qilishga intilish sezilib turadiki, bu maqtovga loyiqdir. 

Chunonchi,  Fudoning  mast  bo`lib,  Foruqaning  damiga  tushganligini 

anglatish  uchun,  mast  parishonxotir  bo`lsa,  «sitam  ko`radi»  aforizmi  ayniqsa 

o`rinli ishlatilgan: 

Vahki na xush dedi o`lum mo`htaram, 

Mast parishon esa ko`rgay sitam. 

Shuningdek,  dostonda,  Osh  egasi  bilan  totli»  maqoli  Fuod  tilidan 

quyidagicha ifodalangan: 

Lek demish kimsaki diqqatlidir, 

Osh egasi birla esa totlidir 

«Avval o`yla, keyin so`yla» maqoli: 

Xar kishining bor esa gar aqli tuz, 

Avval anga ko`z keragu so`ngra so`z- 

baytiga  mohirlik  bilan  singdirilgandir.  Shuningdek  tojikcha  «Chrh  kandaro 

choh  dar  pesh»  maqoli  yoki  shu  mazmundagi  o`zbekcha  «Kim  birovga  quduq 

qazisa,  o`zi  tushadi»  hikmatli  so`zi.  Nishotiy  misralariga  badiiy  soddalik  baxsh 

etadi: 

Ushbu masal bordurur el ichra fosh, 

Zohiru ravshan erur andoq quyosh; 

«Kimki qozor oqibat ul tushg`usi, 

Kimki yoqar oxir o`shul pishg`usi». 

Shoir  xalq  maqollarining  ustalik  bilan  o`rinli  ishlatish  natijasida  o`zi  ham 

maqol shaklidagi misralar bitish-maqollar yaratish darajasiga ko`tariladi: 

Chunonchi: To`yu azo xushturur ahbob ila, 

Shodiyu g`am ham yana atrob ila 

Yoki: 

Ishki o`tar anga pushaymon na sud, 

Qush ki tutildi anga afg`on na sud. 

«Husnu Dil» dostonining tilidagina emas, balki g`oyaviy mazmuni va badiiy 

shaklida ham Navoiy ijodiyotining ta`siri sezilib turadi. Navoiy: 

Jahon kim zohir aylar nalayu bog`, 

Erur  ul  bog`  zindon,  lolasi  dog`-  kabi  misralari  bilan  o`z  zamonasiga 

tanqidiy  qarashini  ifodalagan  bo`lsa,  Nishotiy  ham  bu  mazmunni  o`z  muhitiga 

totbiq etib: 

 

70 

Yorab o`zing lutf oson mongo 

Aylaki, bog` uldi chu zindon mango- 

deb yozgan edi. 

Navoiy o`zining «Farhod va Shirin» dostonidagi: 

Diloromu Dilorayu, Diloso, 

Gulandamu Sumanbo`yu Sumanso, 

Parichehru Parizodu Parivash 

Paripaykar ziho o`n ismi dilkash- 

kabi misralarda shirinning suhbatdoshlaridan o`kta olima qiz nomini eslatib 

o`tganidek,  Nishotiy  ham  Husning  atrofini  o`ragan  qizlar  nomini  quyidagi 

misralarda birin-ketin tasvirlab beradi: 

Barcha dilorom edi anda tamom, 

Har biriga nom edi bir ehtirom. 

G`amzavu Ishva dag`i Lnu Ado, 

Sheva Karashma dag`i Mehru Vafo, 

Yana biri Nozi fusunsoz edi, 

Biri ani Sarvi sarafroz edi. 

Dostonning  qofiyalanishida  ham  so`z  san`atining  xilma-xil  namunalarini 

uchratish  mumkin.  Ko`p  o`rinlarda  bir  so`z  bir  necha  ma`noda  qo`llaniladi. 

Chunonchi, tuyuqchi eslatuvchi: 

Yuz uza churuk yog`och erdi burun, 

Har  era  borsa,  boribon  ul  burun-amonlik  qofiyali  baytning  birinchi 

misrasidagi  «burun»  odam  organlaridan  biri,  ikkinchi  misrasidagi  «burun»  esa 

ilgari, oldin ma`nolarida qo`llanilgan. 

Umuman «Husnu Dil» dostoni muallifi Navoiy va Fuzuliyning badiiy tilidan 

fayz va zavq olish bilan birga, o`zbek va tojik tilidagi xalqchi ibora va ifodalardan, 

hatto, mahalliy sheva unsurlaridan ham bahramand bo`lib, o`z asarini sodda til va 

ravon uslubda yaratish uchun katta ijodiy mehnat qilgan.  

Dostonda  adabiyot  va  uning  ulug`  namoyandalari  haqida  aytilgan 

fikrlar.  

«Husnu Dil» dostonida Nishotiyning so`z san`ati va uning ulug` arboblari 

Nizomiy, Xisrav Dehlaviy, Jomiy va Navoiy haqidagi fikrlari alohida 

ahamiyatga egadir. 

Shoir  XVIII  asrning  70-yillarida  Xorazmda  o`zbek  adabiyoti  jonlana 

boshlagan bir sharoitda ulug` mumtozlar izidan borib til va adabiyotga doir muhim 

nazariy hulosalar chiqaradi. Uning fikricha, so`z duri jon gavharidan ham azizdir. 

So`z kishiga jon beradi. So`zsiz odam devorga o`xshaydi. Birov xunuk, cho`loq va 

shol bo`lsa ham, lekin ishin va baqa`ni so`zlay olsa-kishilar uning yoniga boradilar 

albatta. 

Nishotiy  so`zining  ikki  qismdan-«qabih»  va  «malih»dan  iborat  bo`lishini, 

qabih  barcha  yomondan  yomon  ekanini,  malih  esa,  el  ta`biricha,  jonning  suti 

ekanini  uqtiradi,  uning  ta`rificha,  qabih  so`zlar-«gilob»  (layqa)  bo`lsa,  mashq 

so`zlar  «gulob»dir.  Binobarin,  qabih  so`zlamasdan,  malih  so`zlash,  unga  ma`no 

bilan rang berish lozimdir. Ma`nosiz so`z, gardu bod»dir: 

 

71 

Mantiq eli qilganida jonda farq, 

Qildilar hayvon bila insonda farq, 

So`zdin erur ma`niyi rangin murod, 

Bo`lmasa ul so`zni degil gardu bod. 

Kimki yomon so`zni der inson emas, 

So`zki yomondir ani hayvon demas 

Nishotiyning fikricha «ganji roz» dunyoda shu qadar ko`pki, uni olish bilan 

turalmaydi. So`zga zebu ziynat berish lozim. Uni dilu jon deb atalmish «ayvonda» 

(halbda)  parvarish  qilib  chiqarish  kerak.  So`z  shunday  ta`sirchan  bo`lsinki,  uni 

tinglovchi «jon» desin. So`z san`atining nazmi ham, nasri ham nozik ado bo`lishi, 

latif libosga o`ralishi lozim. 

Nishotiy  so`z  san`atining  ulug`  ustozlari  Nizomiy,  Xisrav  Dehlaviy,  Jomiy 

va  Navoiyning  ijodiy  xizmatiga  yuksak  baho  beradi,  ularning  muqaddam  kishilar 

bo`lganligini  va  har  qaysilari  adabiyot  sohasida  alohida  bir  ulug`  dengiz 

ekanliklarini zo`r faxr bilan kuylaydi: 

She`r elidin ul ki muqaddai edi, 

Har biri bir bahri muazzam edi. 

Durri balog`at qilib onlar nihon, 

Mavji fasoqat qilur erdi ayon. 

Dema alar vasfini shoir edi, 

Muso edi yo`q esa sohir edi... 

Shoirning e`tiroficha ular nazm elining sardaftarlari, suxon ahllari tojlarining 

qimmatbaho gavharlaridir. 

Nishotiyning ta`biricha, Nizomiy, Xisrav, Jomiy va Navoiylar shunday ijod 

bog`larini yaratib o`tganlarki, u bog`larcha bodi xazon ziyon etkaza olmaydi, u ijod 

bog`lari  abadiy  yashlab  qola  beradi.  Nishotiy  ana  shu  ulug`  ustozlarning  sodiq 

shogirdlari  singari  kamtar  tutib,  «Husnu  Dil»  dostonining  muallifi  «g`arib»  va 

«mulki diyoridin benasib» bo`lgan shoir sifatida quyidagilarni yozadi: 

Yozmoq erur pesha manga dam-badam, 

Lek netay bo`yla yozibdir qalam. 

So`zima sahvan agar eteang nazar. 

To`yla xato ko`rsang agar sar-basar... 

Nuqsima bordur o`zima e`tirof, 

San jag`i etgil aning aybin maof... 

Muncha bila dog`i bor erdim g`arib, 

Mulki diyorimdan edim benasib... 

Xullas, Nishotiyning «Husnu Dil» dostonida shoir yashab ijod etgan jamiyat 

hayotining  tasviri  va  umum  foydasiga  qaratilgan  andishalar  muhim  o`rin  tutadi. 

Doston  62  bobdan  iborat  bo`lib,  dastlabki  boblarida  shoirning  er,  suv,  osmon, 

oftob,  tabiat,  inson  (1-5  bob);  Hayot,  odam  va  uning  ishqi  (2-bob),  muallifning 

yor-diyoriga munosabati (6-bob), asarni yaratish toraddudi (7-bob), suv san`ati va 

uning  qadru  qimmati  (8-bob)  haqidagi  fikr  va  mulohazalari,  his-to`yg`ulari  aks 

etgan. 

Doston syujeti murakkab vaziyatlar, hayotiy lavhalar bilan rivojlanib boradi. 

Aql-farosat,  ishq-muhabbat,  ilm  va  hunar,  do`stlik  va  sadoqat  singari  olijanob 

 

72 

insoniy  xislatlar  ulug`lanadi.  Demak,  adolat,  insonparvarlik,  do`stlik,  obodonlik, 

insoniy  sevgi  va  ma`rifatni,  so`z  va  so`z  san`atini  bunday  ulug`lash,  shoir 

zamonasining  sharoitiga  ko`ra,  muhim  va  sharafli  xizmatdir.  Shoir  qachonlardir 

yaxshilikning yomonlik ustidan g`alaba qozonlichiga ishonadi: 

Dun elining dunlig` erur peshasi, 

Yaxshi eling yaxshidur andeshasi. 

O`z  davrida  xalqning  xonavayron  va  oyoq  osti  qilinishdan  noligan  shoir 

nisbiy tinchlikka, osoyishtalikka undaydi, o`z davridagi qo`pollik va dag`alliklarga 

qarshi: 

Charx kibi san dag`i bo`lma dag`al- 

Deb  xitob  qilib,  g`am-alam,  kulfat  va  mashaqqatlardan  mustasno  bo`lgan 

yangi bir dunyo qurishni orzu qiladi: 

Kim yo`q anda alamdin nishon, 

Mehnatu kulfat bila g`amdin nishon... 

Biroq  shoirning  bunday  progressiv  romantik  fikr  va  g`oyalari  qaloq 

zamonasining  sharoitlari  bilan  mahdudlangan-cheklangan  edi.  U  o`z  davridagi 

hukmdorlarni  yaxshilikka,  insofga  chaqirish  yo`li  bilan  o`z  orzusiga  erishmoqni 

xayol qilar edi. Buning ustiga, shoir jamiyat hayotini yaxshilash haqidagi romantik 

g`oyalarini xudojo`ylikka bog`laydi va baxtiyor yor bo`lib uchun «Xudo»dan lutf, 

inoyat va madod tilaydi. 

Shoirning kitobxonlarga mutsrojaat qilib yozgan: 

Bor esa ko`p har necha sahvu xato, 

Aylagil islohini oning ato. 

Zayli karamdin anga yopqil niqob, 

Aylamagil ruhima qahru itob... 

Kabi  baytlari,  an`anaviy  xotila  torzida  bo`lishidan  tashqari  hikmatli 

baytlardir  zamonasining  sharoitlari  bilan  izohlanadigan  fikriy  ojizlik  orqasida 

tug`ilgan  «sohvu  xato»lardan  qat`iy  nazar,  asarga  xalq  orzusi  va  zamon  ruhining 

singdirilishi,  unda  nisbiy  tinchlik  va  farovon  hayot  haqidagi,  yaxshilik  va 

muhabbatning yomonlik va ayriliq ustidan g`alaba qozonishiga ishonch kabi ilg`or 

fikrlarning aks ettirilishi g`oyat muhimdir. 

Mavlono  Nishotiyning  «Husnu  Dil»  dostoni  ana  shunday  g`oyaviy-badiiy 

fazilatlari  bilan  solaflarining  dostonlaridan  farq  qiladi.  Binobarin,  «Husnu  Dil» 

dostoni  XVIII  asr  o`zbek  dostonchiligida  g`oyat  muhim  o`rin  egallagan  ajoyib 

she`riy qissadir 

 

OGAHIY HAYOTI VA IJODIY FAOLIYATI. 

REJA: 

 

1. Ogahiyning adabiy-ilmiy faoliyati. 

 

2. Shoirning tarjimai o`oliga ma`lumotlar. 

 

3. “Ta`viz-ul oshiqin” devoni. Debocha. 

 

4. Ogahiy ijodida falsafiy qarashlar ifodasi. 

 

5. Ogahiy va uning o`zbek mumtoz adabiyotida tutgan o`rni. 

 

 

 

73 

 

Muhammadrizo  Erniyozbek  Ogahiy  barakali  ijod  qilgan  san`atkor  sifatida 

haqli  ravishda  Alisher  Navoiyga qiyoslangan.  19-Asr  Xorazm  adabiyotining  yirik 

namoyondasi  Ogahiy  serqirra  iste`dod  sao`ibi  bo`lib,  shoirlik  iqtidori,  tarixnavis 

saloo`iyati,  tarjimonlik  maxorati  bilan  O`zbek  madaniyati  ravnaqiga  katta  ulush