Akademik litseylar, kasb-hunar kollejlari va umum-ta’lim maktablari o‘quvchilarining umumta’lim fanlari bo‘yicha respublika olimpiadalarini o‘tkazish va xalqaro fan olimpiadalari ishtirokchilarini tanlash to‘G‘risidagi nizomni tasdiqlash

X. Apellatsiya komissiyasi
51. Hakamlar hay’ati tarkibiga kirmagan bittadan fan mutaxassislaridan iborat apellatsiya komissiyasi tuziladi.
52. Tashkiliy qo‘mitaning raisi bevosita apellatsiya komissiyasi raisi hisoblanadi.
53. Apellatsiya komissiyasi tomonidan olimpiada qatnashchilarining shikoyatlari va arizalari olimpiada o‘tkazilgan kunning o‘zida qabul qilinadi va ko‘rib chiqiladi.
54. Fan olimpiadalari qatnashchilarining arizalari apellatsiya komissiyasi raisi, o‘quvchi va hakamlar hay’ati a’zolari ishtirokida apellatsiya komissiyasi a’zosi tomonidan ko‘rib chiqiladi.
55. Apellatsiyaga fan olimpiadalari qatnashchilarining faqatgina o‘zlari tomonidan bajarilgan ishlari bo‘yicha arizalari ko‘rib chiqish uchun qabul qilinadi.
56. Apellatsiya komissiyasi zaruriyat bo‘lganda, hakamlar hay’ati qarorini bekor qilish va ularga o‘zgartirishlar kiritish huquqiga ega.


(O‘zbekiston Respublikasi qonun hujjatlari to‘plami, 2009-y., 23-son, 266-modda)